Turǵyndarynyń kúnkóris deńgeıi tómen óńirler anyqtaldy

NUR-SULTAN. QazAqparat - 2020 jyldyń І-toqsanynda tabysy eń tómengi kúnkóris deńgeıinen tómen halyqtyń úlesi 4 paıyzdy qurady. Mundaı derekti QR Ulttyq ekonomıka mınıstrliginiń Statıstıka komıteti jarııalady, dep habarlaıdy QazAqparat.

Vedomstvo málimetinshe, úı sharýashylyqtaryn iriktemeli zertteý boıynsha tabysy eń tómengi kúnkóris deńgeıinen tómen halyqtyń úlesi (kedeılik deńgeıi) 2020 jylǵy I-toqsanda 4 paıyzdy qurady. Bul ótken jylǵy tıisti kezeńmen salystyrǵanda 0,1 paıyzdyq tarmaqqa tómen.

2020 jylǵy I toqsanda kedeılik deńgeıiniń eń úlken máni Túrkistan (9,8%), Mańǵystaý (5,8%) jáne Jambyl (5,2%) oblystarynda baıqaldy. Al eń tómeni – Nur-Sultan qalasynda (1,1%) tirkeldi.

« Detsıldik bólýdegi úı sharýashylyqtarynyń shyǵystary tabystar sııaqty aıtarlyqtaı saralanýdy kórsetedi. Sonymen, 2020 jylǵy I-toqsanda azyq-túlik taýarlaryna jumsaǵan shyǵystar deńgeıindegi 10 paıyz eń az jáne 10 paıyz eń kóp qamtamasyz etilgen halyqtyń arasyndaǵy aıyrmashylyq 5 eseni, azyq-túlik emes taýarlarǵa – 8 eseni, al aqyly kórsetiletin qyzmetterge – 5,6 eseni qurady « , - dedi komıtetten.