Turǵyndary semizdikten eń kóp zardap shegetin elder anyqtaldy
ASTANA. QazAqparat - Vashıngtondaǵy The Institute for Health Metrics and Evaluation qyzmetkerleri zertteý júrgizip, onyń nátıjeleri boıynsha semizdikten eń kóp zardap shegetin elderdiń reıtıngisin qurastyrdy, dep habarlaıdy BELTA.
Mamandar 188 eldiń málimetterin zerdelep, onyń nátıjelerin The Lancet-te jarııa etken.
Bul tizimde birinshi oryndy Amerıka aldy, odan sońǵy oryndarǵa Qytaı men Úndistan jaıǵasty. Tórtinshi oryndy Reseı ıelendi. Sondaı-aq tym etjeńdi adamdar mekendeıtin elder tiziminiń ondyǵyna Brazılııa, Meksıka, Egıpet, Germanııa, Pakıstan men Indonezııa endi. AQSh-ta álemdegi semizdikten zardap shegetin jandardyń 13% turady eken. Zertteýler nátıjeleri boıynsha, kalorııasy joǵary taǵamdardy tutyný saldarynan semizdikten zardap shegetin adamdar sany 33 jyl ishinde 857 mln-nan 2,1 mlrd-qa deıin artqan, al 2010 jyly álemde artyq salmaqtan shamamen 4 mln adam kóz jumǵan.
