Turǵyndary eń kóp jumys isteıtin qalalar anyqtaldy – BAQ
NUR-SULTAN. QazAqparat - «2013 jyldyń shilde aıynda NHK telearnasynyń 31 jastaǵy reporteri Mıva Sado Tokıoda óziniń páterinde kóz jumdy.Ol óz ólimine deıin bir aı boıy 159 saǵat 37 mınýt artyq jumys istegen. Sadonyń ólimi resmı túrde «sharshaǵannan bolǵa ólim» retinde tirkeldi», dep jazady The Guardian basylymy.
Avtordyń sózinshe, Japonııada sharshaǵannan bolatyn ólim jıi kezdesedi. Tipti, «karoshı» degen arnaıy termın de bar. Alǵashqy ret karoshı 1969 jyly tirkelse, 2017 jyly qatty sharshaǵannan bolǵan 190 ólim oryn alǵan. Bıyl Japonııa aıyna 45 saǵattan asatyn artyq jumysqa tyıym saldy.
Maqalada avtor taǵy bir zertteý nátıjesine toqtalǵan. Onda halqy eń kóp jumys isteıtin qala Mýmbaı ekeni aıtylǵan.
«Kisi kompanııasy júrgizgen zertteý nátıjesinde 40 halyqaralyq qalanyń ishinde turǵyndary eń kóp jumys isteıtin shahar Tokıo ekeni anyqtaldy. Zertteý nátıjesinde belgili bolǵandaı, Tokıo turǵyndary aptasyna ortasha eseppen 42 saǵat jumys isteıdi jáne jumys ýaqyty 8:57-de bastalady», - dep jazady portal.
Al UBS Shveıtsarııa bankiniń aıtýynsha,Úndistannyń Mýmbaı qalasynda bir jyldaǵy ortasha jumys saǵaty eń kóp bolyp, bul qala eń eńbekqor tanylǵan. Zertteýde Mýmbaı turǵyndary jylyna 3315 saǵat jumys isteıtini aıtylǵan. Al eń az jumys ýaqyty Lagosta tirkelgen. Onda jumys ýaqyty ortasha eseppen jylyna 609 saǵatty quraıdy. Bul reıtıngte Tokıo 1 997 saǵat kórsetkishpen 77 qalanyń ishinde 32-oryn alǵan. London turǵyndary ortasha eseppen 2 022 saǵat, Nıý-Iork turǵyndary 2 046 saǵat jumys isteıdi.
