Turǵyndardyń shaǵymynan soń Shymkenttegi mazarlardyń aınalasy qorshaldy
ShYMKENT. QazAqparat - Shymkenttegi 8 mazardyń aınalasy qorshaldy. Mazarlardyń aınalasyndaǵy tártipti endi arnaıy bekitilgen uıymdar qadaǵalaıtyn bolady. Bul týraly ákimdiktiń baspasóz qyzmeti málim etti, dep habarlaıdy QazAqparat tilshisi.
Zırattardyń qorshalýyna qala turǵyndarynyń aryz-shaǵymdary sebep bolypty. Buǵan deıin shahar jurtshylyǵy qorymdardyń ashyq-shashyq jatýy men onyń aınalasynyń qoqysqa tolyp ketkenin aıtyp, quzyrly organdarǵa shaǵym túsirgen. Sondaı-aq olar mazar aınalasyndaǵy tazalyqqa jaıylǵan maldar da nuqsan keltirip otyrǵandyǵyn aıtqan. Osydan keıin qalalyq ákimdik osy máseleni sheshý jolyn izdestirip, búginde osy aımaqty qorshaý jumystary aıaqtaldy. Al, qalalyq turǵyn úı-kommýnaldy sharýashylyq bóliminiń mamandary turǵyndardy qorymnyń qoqystardan tazalanbaý oqıǵalary týraly habar berip otyrýǵa shaqyrdy. Bul úshin qalalyq ákimdiktiń Instagram jáne Feısbýk áleýmettik jelilerindegi akkaýntyna nemese ákimdiktiń WhatsApp nómirine jazýǵa bolatyny aıtylǵan.
