Turǵyndardyń shaǵymynan keıin Almatydaǵy dámhananyń terrasasy súrilip jatyr
ALMATY. QazAqparat – Almatynyń Qala qurylysyn baqylaý basqarmasy «Lova Kitchen» dámhanasynyń janynan salynyp jatqan qosalqy nysannyń zańdylyǵyn tekserdi, dep habarlaıdy QazAqparat tilshisi.
Almaty ákimdiginiń baspasóz qyzmetinen málim etkendeı, qala basshysy Erbolat Dosaevtyń Medeý aýdanynyń turǵyndarymen kezdesýinde Tóle bı kóshesi, 24 b mekenjaıynda ornalasqan «Lova Kitchen» kafesiniń janynan salynyp jatqan qosalqy nysannyń zańdylyǵyna qatysty suraq qoıylǵan bolatyn.
Almaty ákiminiń tapsyrmasy boıynsha Qala qurylysyn baqylaý basqarmasy jospardan tys tekserý júrgizdi. Onyń barysynda jazǵy terrasa zańsyz salynǵan qosalqy nysanda ornalasqandyǵy anyqtaldy. Sonymen qatar terrassany salý kezinde memlekettik qordaǵy trotýardyń bir bóligi alynǵan.
Qala qurylysyn baqylaý basqarmasy menshik ıesin Ákimshilik quqyq buzýshylyq týraly kodekstiń 316-baby 1, 321, 323-bóligi boıynsha ákimshilik jaýapqa tartty. Sondaı-aq «Qamqor-Ortalyq» JShS-ǵa qatysty protsessýaldyq sheshim qabyldaý úshin materıaldy sotqa jibere otyryp, ÁQBtK-niń 319-baby boıynsha sharalar qabyldandy.
«Ákimshilik quqyq buzýshylyqtar jónindegi mamandandyrylǵan aýdanaralyq sotynyń (ÁQBІjMAS) 2022 jyldyń 27 jeltoqsanyndaǵy qaýlysymen»Qamqor-Tsentr«JShS QR ÁQBtK-niń 319-baby boıynsha ákimshilik jaýapqa tartylyp, zańsyz turǵyzylǵan qurylysty májbúrli túrde súrý jáne ákimshilik aıyppul óndirip alý jazasy belgilendi. Menshik ıesi bul sheshimge narazylyq bildirdi, alaıda Almaty qalalyq sotynyń qaýlysymen ÁQBІjMAS-tyń qaýlysy ózgerissiz qaldyryldy. Búgin sot oryndaýshylarynyń qatysýymen zańsyz turǵyzylǵan nysandy súrý bastaldy», - dep habarlady ákimdikte.
