Turǵyndardyń ótinishi boıynsha Astanadaǵy Óndiris kentinde Halyqqa qyzmet kórsetý ortalyǵy ashyldy
ASTANA. Sáýirdiń 12-si. QazAqparat - Búgin, sáýirdiń 12-si kúni Astana qalasyndaǵy Óndiris eldi mekeninde Halyqqa qyzmet kórsetý ortalyǵy ashyldy,
dep habarlaıdy QazAqparat.
100 sharshy metr aýmaqqa ornalasqan «Astana qalasy Saryarqa aýdanynyń №2-shi halyqqa qyzmet kórsetý ortalyǵy» Memlekettik mekemesinde qujattardy berý jáne jınaqtaý bólimi jumys isteıdi. Keleshekte HQO-nyń ǵımaratynda atalmysh eldi mekendegi «Qazaqstan Halyq bankiniń» alǵashqy fılıaly ornalasatyn bolady.
Aıta keteıik, Óndiris kentinde HQO-ny ashý týraly ótinishti, aǵymdaǵy jylǵy aqpan aıynyń 4-i kúni Astana ákimi Imanǵalı Tasmaǵambetovpen bolǵan eseptik kezdesýde qala turǵyndary aıtqan bolatyn.
Qazaqstan Respýblıkasy Úkimetiniń qaýlysyna sáıkes 2010 jylǵy qańtardyń 1-inen bastap HQO-lar Ádilet mınıstrliginiń quzyrynan jergilikti atqarýshy organdarǵa berildi. Búgingi kúni Astana qalasynda 5 HQO men olardyń 2 fılıaly jumys isteıdi. HQO-lar 14 memlekettik organ usynyp otyrǵan 62 qyzmetti kórsetedi.
