Turǵyndardan zańsyz qarý-jaraq satyp alýǵa 95 mln teńge bólindi
Onyń atap ótýinshe, 2021 jyldyń 20 sáýirinde halyqtan zańsyz qarý-jaraqtardy satyp alý aktsııasy bastalady. Ony ótkizýge respýblıkalyq bıýdjetten 95 mln teńgeden astam qarajat bólindi.
«Azamattardyń zańsyz saqtalǵan qarý-jaraq zattaryn erikti túrde óteýli tapsyrý tártibi Іshki ister mınıstriniń 2015 jylǵy 27 naýryzdaǵy № 266 buıryǵymen bekitilgen qaǵıdalarǵa sáıkes júrgiziledi. Qaǵıdalarǵa sáıkes, zańsyz saqtalǵan atys qarýyn, oq-dárilerdi, jarylǵysh zattardy aqshalaı syıaqy úshin tapsyrýǵa nıet bildirgen azamat kez kelgen aýmaqtyq polıtsııa organyna ótinish beredi. Ótinishti tikeleı polıtsııa organdarynyń kezekshi bólimderine berýge bolady», - dedi bólim bastyǵy.
Asylbek Ydyrysovtyń aıtýynsha, azamattar telefon arqyly júgingen kezde atalǵan zattardyń ornalasqan jerine barlyq qajetti is-sharalardy júrgizetin polıtsııa qyzmetkeri jiberiledi.
«Qarýǵa nemese onyń komponentterine uqypsyz qaraý aýyr zardaptarǵa ákelýi múmkin. Óıtkeni ol adam ómiri men densaýlyǵyna úlken qaýip tóndiredi. Osyǵan baılanysty qaýipsizdik erejelerin qatań saqtaý qajet. Tabylǵan qarýdy bólshekteý, syndyrý jáne tasymaldaý kerek. Bul maqsatta bizde arnaıy oqytylǵan qyzmetkerler men tehnıkalar bar», - dedi ol.