Turǵyndar zańsyz saqtalǵan myńǵa jýyq qarýdy tapsyrdy - ІІM
NUR-SULTAN. QazAqparat - Bıyl zańsyz saqtalǵan qarý, oq-dárilerdi erikti túrde tapsyrý aktsııasyna bıýdjetten 100 mln teńge qarjy bólindi, dep habarlaıdy QazAqparat QR ІІІM baspasóz qyzmetine silteme jasap.
«Elimizdiń aýmaǵynda qoǵamdyq tártipti qamtamasyz etý, atys qarýyn qoldaný arqyly jasalatyn qylmystardyń jolyn kesý maqsatynda 10 sáýirde halyqtan zańsyz aınalymdaǵy atys qarýlaryn, oq-dáriler men jarylǵysh zattardy satyp alý aktsııasy bastaldy. Qarý-jaraqtar men oq-dárilerdi qabyldaý ár aımaqtaǵy polıtsııa organdarynda júrgizilýde», - delingen habarlamada.
Respýblıkalyq bıýdjetten osy maqsatqa «Zańsyz saqtalǵan qarýdy, oq-dárilerdi jáne jarylǵysh zattardy erikti túrde ótemdi tapsyrýdy yntalandyrý» bıýdjettik baǵdarlamasy boıynsha 100 mln teńge qarjy bólindi.
Qaýipsizdik maqsatynda jáne jazataıym oqıǵalardyń aldyn alý úshin jarylǵysh zattar men qurylǵylardy tasymaldaýǵa, ustaýǵa, bul zattarmen qandaı da bir áreketter jasaýǵa tyıym salynady.
Egerde azamattar zarlyǵysh zattar men qurylǵylardy taýyp alǵan jaǵdaıda 102 nemese 112 telefon nómerimen polıtsııa bólinisine habarlaý qajet.
«Qazirgi ýaqytta turǵyndar 998 atys qarýyn erikti túrde tapsyrdy, onyń ishinde 116 uzyn uńǵyly qarý, 5 tapansha, 869 tegis uńǵyly qarý, 8 travmatıkalyq qarý men 32 myńnan astam oq-dári alyndy», - delingen habarlamada.
ІІM óz erkimen qarýyn tapsyrǵan azamattar qylmystyq jáne ákimshilik jaýapkershilikten bosatylatynyn atap ótip, azamattarǵa atalǵan aktsııaǵa atsalysýǵa shaqyrady.
