Turǵyndar úılerdi jańǵyrtýdyń nátıjesin sezingennen keıin baǵdarlamany iske asyrý qarqyny arta túsedi - S. Esilov
ASTANA. 6 qarasha. QazAqparat - Turǵyn úı kommýnaldyq jańǵyrtý baǵdarlamasyn iske asyrylǵan jobalardyń tájirıbelik nátıjelerin eskere otyryp nasıhattaý kerek.
Bundaı pikirdi búgin Astanada atalǵan saladaǵy máselelerge arnalǵan respýblıkalyq konferentsııada Astana qalalyq máslıhatynyń hatshysy Sansyzbaı Esilov aıtty.
«Astanada byltyrǵy jáne bıylǵy jyldary 12 úı tolyq jóndeýden ótti. Al 24 úıge aǵymdaǵy jóndeý jumystary jasaldy. Jaqynda biz kúıshi Dına kóshesindegi tolyq jóndeýden ótken úıdi tanystyrdyq. Jalpy onyń turǵyndary osy jóndeý jumystaryn ońtaıly baǵalap otyr»,-dep toqtaldy ol.
S. Esilovtyń paıymdaýynsha, Turǵyn úı kommýnaldyq sharýashylyǵy baǵdarlamasyn nasıhattaý kerek jáne osyǵan buqaralyq aqparat quraldaryn tartý qajet.
Ol kóppáterli úılerdiń turǵyndary jańǵyrtýdyń nátıjesin sezingennen keıin baǵdarlamany iske asyrý qarqynynyń belsendiligi arta túsetinine basa toqtaldy.
