Turǵyndar tegin medıtsınalyq kómektiń kólemi azdyǵyna shaǵym kóp aıtady – Premer-Mınıstr
«Sonymen qatar, erekshe nazar aýdaratyn birqatar ózekti máselelerge toqtalǵym keledi.
Birinshi. Tegin medıtsınalyq kómektiń kepildik berilgen kólemine jáne mindetti áleýmettik medıtsınalyq saqtandyrýǵa qatysty halyqtyń tarapynan túsip jatqan aryz-shaǵymdar kóp.
Birinshi kezekte, dárigerlik kómektiń kólemi jetkiliksiz dep shaǵym aıtýda.
Densaýlyq saqtaý mınıstrligine Qarjy mınıstrligimen birlesip, bıylǵy jylǵy 1-shi qarashaǵa deıin olardy qarjylandyrýdy jetildirý jóninde usynystar daıyndaýdy tapsyramyn.
Ekinshi. Ana men bala óliminiń kórsetkishteri nasharlap ketti. Bul shuǵyl sharalar qabyldaýdy jáne áıelder men jańa týǵan nárestelerdiń densaýlyǵyna turaqty monıtorıng júrgizýdi talap etedi.
Múmkindigi shekteýli balalarǵa ýaqytyly ońaltý kómegin kórsetýge erekshe nazar aýdarý qajet.
Óńirlermen birlesip, zamanaýı perınataldyq ortalyqtar salý, balalar aýrýhanalaryn qazirgi zamanǵy dıagnostıkalyq jáne ońaltý jabdyqtarymen jaraqtandyrý jóninde sharalar qabyldaý qajet», - dedi Úkimet basshysy.
Sondaı-aq, ol kadrlyq áleýetti nyǵaıtý úshin jyl saıyn rezıdentýra granttaryn bólinetinin atap ótti.
«Óńirler de óz granttaryn ulǵaıtýy tıis. Bul medıtsına kadrlarynyń tapshylyǵyn tómendetýge múmkindik beredi.
Tórtinshi. Densaýlyq saqtaýdy tsıfrlandyrý máselesi mańyzdy. Bul baǵytta úlken jumystar atqarylýda.
Barlyq sharalar halyqqa kórsetiletin qyzmetterdiń jedeldigin, patsıentterdiń derekter bazasynyń qupııalylyǵy men saqtalýyn jaqsartýǵa baǵyttalýy tıis.
Tsıfrlyq damý mınıstrligimen birlesip, medıtsınalyq aqparattyq júıelerdi birizdendirý men ıntegratsııalaýdy qamtamasyz etý kerek.
Besinshi. Densaýlyq saqtaý mınıstrligi múddeli memlekettik organdarmen jáne óńirlermen birlesip, osy jyldyń qarasha aıynda «Aýylda densaýlyq saqtaýdy jańǵyrtý» ulttyq jobasyn kelisýdi jáne bekitýdi qamtamasyz etýi qajet», - dedi Álıhan Smaıylov.