Turǵyndar polıtseıge tirkelgenin dáleldeýge mindetti emes

ASTANA. QazAqparat - Azamattar polıtseıge ýaqytsha tirkelgenin dáleldeýge mindetti emes. Bul týraly Ortalyq kommýnıkatsııalar qyzmetindegi baspasóz máslıhatynda QR ІІM Kóshi-qon polıtsııasy departamentiniń basshysy Serik Saıynov aıtty, dep habarlaıdy QazAqparat.

«Ýchaskelik ınspektor kelgen kezde, adamdar naqty turyp jatqan páterde ýaqytsha tirkelgendigi týraly dáleldeýge tyryspaýy kerek. Inspektor qujatyńyzdy surap, ondaǵy derekterdi jazyp alýǵa ǵana quqyly. Ol aqparattyq júıe arqyly jumys ornynda qajet málimetterdi teksere alady»,-dedi ol.

Sonymen qatar S. Saıynov polıtseıler tekserýmen 23:00-den kesh kele almaıtynyn aıtty. Al eger kórshilerdiń tynyshtyǵyn buzǵan jaǵdaıda, polıtseıler páterińizge kelip, shaǵymnyń sebebin suraýǵa quqyly.

«Polıtsııanyń ýchaskelik ınspektory ózi qyzmet etetin aýmaqta kimder turyp jatqanyn bilýi tıis. ıAǵnı, onyń tiziminde jaqynda abaqtydan bosaǵandar, jıi janjal jasaıtyndar bar», - dedi departament basshysy.