Turǵyndar kómirdiń sapa sertıfıkatyn talap ete alady

ASTANA. QazAqparat – Kómir tıisti sapa normasyna saı kelmese, onda otyndy qaıtarýǵa bolady. Bul týraly Indýstrııa jáne ınfraqurylymdyq damý mınıstrligi Indýstrııalyq damý komıteti tóraǵasynyń orynbasary Turar Jolmaǵambetov aıtty, dep habarlaıdy QazAqparat tilshisi.

«Bizge turǵyndar keı jaǵdaılarda kómirdiń sapaǵa saı kelmeıtinin aıtyp, shaǵymdanyp jatady. ıAǵnı biz osy shaǵymdardy qaraımyz. Bul jerde basqa taýarlar sııaqty kómirdiń sapa sertıfıkattary bar ekenin túsiný kerek jáne árbir kómir túrine sapa sertıfıkatyn talap etýge bolady», - dedi T.Jolmaǵambetov Ortalyq kommýnıkatsııalar qyzmetindegi baspasóz máslıhatynda.

Bul turǵyda ol turǵyndar sapasyz kómirdi qaıtaryp bere alatynyn aıtty.

«Sáıkes kelmegen jaǵdaıda, kómirdiń qunyn nemese sapany talap ete alasyz. Bul rette turǵyndar zańmen qorǵalǵan jáne shaǵymdana alady. Sondyqtan sapasyz otyndy qaıtarýǵa bolady. Osy salada tekseretin quzyrly organdar bar», - dedi vedomstvo ókili.

Budan buryn habarlanǵandaı, T.Jolmaǵambetov halyqqa arnalǵan áleýmettik kómirdi shetelge shyǵarýmen aınalysqan deldal kásiporyndar anyqtalǵanyn aıtty.