Turǵyndar keleshekke úlken senimmen qaraı bastady – kásipker
KÓKShETAÝ. QazAqparat - Memleket basshysy Qasym-Jomart Toqaev Úkimettiń keńeıtilgen otyrysynda alǵa qoıǵan mindetter qazaqstandyqtardyń ál-aýqatyn arttyrýǵa baǵyttalǵan. Aqmola oblysynyń Sandyqtaý aýdanyndaǵy «Kamenka jáne D» JShS dırektory Alekseı Djeıranov osylaı deıdi, dep habarlaıdy QazAqparat tilshisi.
«Prezıdenttiń úkimettiń keńeıtilgen otyrysyndaǵy úndeýi erekshe qoldaýǵa laıyq. Óz basym Prezıdent júktegen tapsyrmalar jergilikti jerlerde oryndalyp, onyń nátıjesin ár qazaqstandyq sezinetinine senimdimin. Bul turǵyda Prezıdenttiń aıtqandaryn tolyq qoldaımyz. Biz búkil másele boıynsha Prezıdenttiń janynan tabylamyz. Memleket basshysynyń júrgizip otyrǵan saıasatyn halyq qoldaıdy. Ol adamdardy rýhtandyryp otyr. Turǵyndar keleshekke úlken senimmen qaraı bastady», - deıdi A.Djeıranov.
Onyń aıtýynsha, elde demokratııalyq qaıta qurý bastalady, ony tolyq qoldaý qajet.
Kásipker aýyldastary bıliktiń qarapaıym halyqtyń muń-muqtajyn eskergendigine qýanǵanyn aıtady.
«Bárimiz bıýdjetke salyq tóleımiz, biraq bul aqsha buryn qaıda ketti? Nelikten adamdardyń jalaqysy az? Olar osyndaı qymbatshylyqta durys ómir súre ala ma? Shynynda da, adamdarǵa laıyqty jalaqy berip, jumys oryndaryn quryp, eńbek jaǵdaıyn jasaý kerek. Baǵaǵa keletin bolsaq, árıne suranys bolmasa, baǵa óspeıdi. Ózimiz eshteńe óndirmeı syrttan satyp alatyn bolsaq, baǵa sharyqtamaǵanda qaıtedi. Biz óte baı elmiz, múmkindigimiz kóp, Prezıdent aıtqandaı sony durys jarata bilýimiz kerek», - dep tolyqtyrdy A.Djeıranov.
Ol atap ótkendeı, demokratııalyq ózgerister elde burynnan pisip-jetildi.
«Urlanǵan aqsha shetelden halyqqa qaıtarylýy kerek dep sanaımyn. Bul ýtıldik alym jınaýǵa da qatysty. Qaı memlekette munymen jeke kompanııa aınalysady? Osyny durys jolǵa qoıý kerek» - dep túıindedi kásipker.
A.Djeıranovtyń pikirinshe, Prezıdent kótergen barlyq máseleler ózekti, olardyń sheshimin birlesip sońyna deıin jetkizýmiz kerek.
