Turǵyndar qala qyzmetteriniń selqostyǵynan zardap shekpeýi tıis – Baqytjan Saǵyntaev

ALMATY. QazAqparat – Almaty ákimi Baqytjan Saǵyntaev qalalyq Energotıimdilik jáne ınfraqurylymdyq damý basqarmasy basshysy Áset Masabaevqa barlyq ıesiz jelilerdi berýdi tapsyrdy, dep habarlaıdy QazAqparat tilshisi.

Bul týraly ol Feısbýktegi paraqshasynda aıtty.

«Turǵyn úı qoryn ustaý máselelerin qaradyq. Jedel sheshetin mańyzdy máseleniń biri — qalanyń barlyq aýdandaryndaǵy ıesiz kommýnaldyq jeliler. Bul másele tolyq anyqtalmaǵandyqtan turǵyndar sý, jaryq jáne jylý úshin tarıfti asyra tóleýde. Sondyqtan Turǵyndar qala qyzmetteriniń selqostyǵy nemese nemquraıdylyǵy saldarynan zardap shekpeýleri tıis. Energotıimdilik jáne ınfraqurylymdyq damý basqarmasy basshysy Áset Masabaevqa jyl aıaǵyna deıin «Almaty sý» MQK, «Almaty jylý jelileri» JShS, «Alataý Jaryq Kompanııasy» AQ balanstaryna qalanyń barlyq aýdandaryndaǵy ıesiz kommýnaldyq jelilerin ótkizýdi tapsyrdym», - dedi qala ákimi.