Turǵyndar depozıtke 267,9 mlrd teńge qarjy saldy - OQO
ShYMKENT. QazAqparat - Ońtústik Qazaqstan oblysynda 2017 jyly óńir halqy bankterge 267,9 mlrd teńge kóleminde salym jasaǵan. Bul 2016 jyldyń sáıkes kezeńimen salystyrǵanda 13,2 paıyzǵa artqanyn kórsetedi, dep habarlaıdy OQO ákiminiń baspasóz qyzmeti.
Halyq salymdarynyń basym bóligi ulttyq valıýtada saqtaýly. Bul týraly oblystyq Óńirlik kommýnıkatsııalar qyzmetinde ótken brıfıngte Ońtústik Qazaqstan oblysy ekonomıka jáne bıýdjettik josparlaý basqarmasynyń basshysy Arman Sábıtov málim etti.
Sondaı-aq 2017 jyldyń 1 jeltoqsany boıynsha ekinshi deńgeıli bankterimen 299,4 mlrd teńge kóleminde nesıe berilgen. Bul 2016 jyldyń sáıkes kezeńimen salystyrǵanda 45,4 paıyzǵa artyq.
«Ekinshi deńgeıdegi bankterden berilgen nesıe kóleminiń 62,4 paıyzy - jeke tulǵalarǵa tutyný maqsatynda, 19,8 paıyzy - ónerkásip salasyna, 14,4 paıyzy - saýdaǵa, 2,1 paıyzy - qurylys salasyna, 1,3 paıyzy - aýyl sharýashylyǵyna berilgen», - dedi Arman Sábıtuly
Sonymen qatar, shaǵyn jáne orta kásipkerlikti damytýǵa berilgen nesıelerdiń kólemi 43,9 mlrd teńgeni qurap, 12,4 paıyzǵa artqan.
