Turǵyndar densaýlyq pasportymen qashan tolyq qamtamasyz etiledi
«Alǵashqy medıtsınalyq kómek qoljetimdiligin qamtamasyz etý úshin halyqtyń turatyn jerine barynsha jaqyndatylǵan, sonyń ishinde turǵyn úı jáne ofıstik úı-jaılardyń birinshi qabatynda ornalasqan alǵashqy medıtsınalyq kómek shaǵyn ortalyqtaryn qurý boıynsha memlekettik-jekeshelik áriptestik jobalaryn engizý keńeıtilýde. 2020 jylǵa qaraı osy baǵytta 60-tan astam jobany iske asyrý josparlanýda», - dedi Eljan Birtanov.
Osy rette mınıstr úı janyndaǵy dáriger jobasyn iske asyrýdaǵy Astana qalasy ákimdiginiń oń tájirıbesin atap ótti. Bul joba turǵyn úı keshenderiniń birinshi qabattarynda alǵashqy medıtsınalyq kómek shaǵyn ortalyqtaryn ashýdy kózdeıtindigin aıtty.
«Mınıstrlik osy jumysty jalǵastyrýdy josparlap otyr. Qor arqyly jekemenshik, jekeshe jáne toptyq dárigerlik praktıkaǵa odan ary qoldaý kórsetiletin bolady. Sonymen qatar, aǵymdaǵy jyly alǵashqy medıtsınalyq kómekti tsıfrlandyrý aıasynda barlyq medıtsınalyq aqparattyq júıelerdi kezeń-kezeńimen biriktirýge jáne el halqynyń elektrondy densaýlyq saqtaý pasportynyń biryńǵaı bankin qosýǵa múmkindi beretin tuǵyrnamany iske asyrý josparlanyp otyr. Qazirgi kezde emhanalardyń medıtsınalyq aqparat júıelerinde 11 mıllıonnan astam elektrondy densaýlyq pasporty ornatylǵan. 2020 jyldyń sońyna deıin el halqyn elektrondy densaýlyq pasportymen 100 paıyz qamtamasyz etý josparlanǵan», - dedi Eljan Birtanov.