Turǵyn úılerdiń 47% zań sheńberinen tys salynýy múmkin – Serik Jumanǵarın
NUR-SULTAN. QazAqparat – Ótken jyly turǵyn úı qurylysyna 1 968 mıllıard teńge bólinip, 15,3 mıllıon sharshy metr turǵyn úı salyndy.
Bul týraly «QazAqparat» HAA alańynda QR Básekelestikti qorǵaý jáne damytý agenttigi ótkizgen bastapqy turǵyn úı naryǵyndaǵy básekelestik týraly Open Space-te aıtyldy, dep habarlaıdy QazAqparat tilshisi.
Ulttyq statıstıka bıýrosynyń málimetteri boıynsha, ótken jyly turǵyn úı qurylysyna 1 968 mıllıard teńge bólinip, 15,3 mıllıon sharshy metr turǵyn úı salyndy. Onyń ishinde memleket - 16% (2,4 mıllıon sharshy metr), turǵyndar - 42% (6,4 mln. sharshy metr), sheteldik uıymdar - 1% (0,1 mln. sharshy metr) jáne jeke qurylys kompanııalary - 41% (6,4 mln. sharshy metr) saldy.
Jeke qurylys kompanııalary salǵan 6,3 mln sharshy metrdiń 26%-y úleskerlerden qarajat tartý arqyly úlestik qurylys týraly zańnama aıasynda salynsa, 24%-y óz qarajaty esebinen, 3%-y turǵyn úı qurylys kooperatıvteri esebinen, qalǵan 47%-y basqa kózder esebinen salyndy.
«Bizde ýákiletti organdarǵa qatysty bir suraq bar: atalǵan 47%-y brondaý, rezervteý jáne basqa da kelisim arqyly zań sheńberinen tys salynýy múmkin», - deıdi QR Básekelestikti qorǵaý jáne damytý agenttiginiń tóraǵasy Serik Jumanǵarın.
Departamenttiń málimeti boıynsha, QR Ulttyq bankiniń talaptaryna sáıkes, bir qaryz alýshyǵa Biryńǵaı operatordyń («Qazaqstannyń turǵyn úı kompanııasy») kepildikter shegi shamamen 50 mıllıard teńgeni quraıdy (jarǵylyq kapıtaldyń 0,25 koeffıtsıenti). Sonymen qatar, iri qurylys salýshylardyń biriniń qurylysynyń kólemi shamamen 250 mıllıard teńgeni quraıdy.
