Turǵyn úılerdi naǵyz kásip ıeleri basqarýy qajet
ASTANA. 11 tamyz. QazAqparat /Qanat Mámetqazyuly/ - Búgin elimizdegi Qurylysshy kúni qarsańynda, «Turǵyn úıdi basqarýshynyń álippesi» atty kitaptyń alǵashqy tusaýkeseri ótkizildi.
Atalǵan kitap «JMQ Menedjment» JShS basqarýshy kompanııasynyń mamandarymen «Samuryq-Qazyna» jyljymaıtyn múlik qory» AQ qatysýymen salynǵan turǵyn úılerden alynǵan tájirıbe negizinde ázirlengen.
Kitapta turǵyn úıdi basqarýǵa arnalǵan negizgi ádistemelik usynystar: tutynýshylarmen paıdalaný qyzmetteri jáne tarıfterdi ázirleý prıntsıpteri keltirilgen, alǵash ret qoldanylatyn turǵyndarmen qoǵamdyq keńester qurý jumys quraly sıpattalǵan. «JMQ Menedjment» JShS dırektory Aısultan Aqchýrınniń aıtýynsha, «Turǵyn úıdi basqarýshynyń álippesi» aldaǵy ýaqytta konkýrstyq negizde óziniń turǵyn keshenderin tartýdy josparlaıtyn qyzmet kórsetý jáne servıstik kompanııalarǵa arnalǵan ózindik jolnusqasy bolýǵa úndeıdi. «Jalpy turǵyn úılerdi kásipqoılar, naǵyz osy kásiptiń ıeleri basqarýy qajet, óıtkeni turǵyn úı qorynyń bolashaq jaǵdaıy qazirgi kezdegi qyzmet kórsetý sapasyna tikeleı baılanysty. Qolaılylyq, jaılylyq jáne úıdegi, úı ishindegi ınjenerlik jelilerdiń úzdiksiz qyzmet etýi - kez-kelgen adamnyń tirshilik áreketinde negizgi bolyp tabylady» - dedi ol. Sóz sońynda, Aısultan Aqchýrın, kitapty shyǵarýǵa qatysqandardyń bárine alǵys bildirip, atalǵan jumys naryqtaǵy kóptegen basqarýshy kompanııalar men PIK-terge kórsetiletin qyzmettiń sapasyn jaqsartýǵa kómektesetinine senim bildirdi.
«JMQ Menedjment» JShS basqarýshy kompanııasy - «Samuryq-Qazyna» jyljymaıtyn múlik qory» AQ enshiles uıymy bolyp tabylady. Óz qyzmetinde jańa jáne zamanaýı sheshimderdi qalyptastyrý - kompanııanyń negizgi qaǵıdattarynyń biri bolyp otyr. Bul rette «JMQ Menedjment» JShS qyzmetiniń negizgi baǵyttary turǵyn jáne kommertsııalyq jaılardy jalǵa berý, ǵımarattardy paıdalaný jáne tehnıkalyq qyzmet kórsetý bolyp tabylady.
