Turǵyn úılerdegi órt sársenbi kúni úsh adamnyń ómirin qıdy - QR TJM
ASTANA. 15 jeltoqsan. QazAqparat - Astana qalasyndaǵy Ońtústik-Shyǵys shaǵynaýdanynda ýaqytsha turǵyn jaı retinde paıdalanylǵan nysanda órt bolyp, 30 jastaǵy azamat qaza tapty.
Bul týraly QR TJM-nan habarlady.
18 sharshy metr aýmaqty sharpyǵan tilsiz jaý eki saǵatta aýyzdyqtaldy. Ony joıýǵa QR TJM Astana qalasy boıynsha TJD órtke qarsy qyzmetiniń 28 adamy men 5 tehnıkasy jumyldyryldy.
Osy kúni Óskemen qalasynda bes qabatty turǵyn úıdiń joǵary qabatyndaǵy páterden órt shyqty. QR TJM Shyǵys Qazaqstan oblysy boıynsha TJD órtke qarsy qyzmetiniń 15 adamy jalyndy bir saǵattyń ishinde sóndirdi. Oqıǵa ornynda 87 jastaǵy qarttyń máıiti tabyldy.
Sársenbi kúni tańerteń, Soltústik Qazaqstan oblysynyń Jambyl aýdanynda turǵyn úı jandy. 40 sharshy metrge taraǵan otty qutqarýshylar tek úsh saǵattan keıin ǵana tolyǵymen aýyzdyqtaı aldy. Órt saldarynan 53 jastaǵy áıel ólim qushty.
Tótenshe jaǵdaıdy joıýǵa QR TJM Soltústik Qazaqstan oblysy boıynsha TJD órtke qarsy qyzmetinń 12 adamy men 2 tehnıkasy jumyldyryldy.
