Turǵyn úıge muqtaj azamattardy esepke qoıý qaǵıdalaryna ózgerister engizildi

***

Qazaqstan Respýblıkasy Úkimetiniń 2020 jylǵy 23 maýsymdaǵy №381 Qaýlysy

«Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasynyń azamattaryn esepke qoıý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 26 maýsymdaǵy № 856 qaýlysyna ózgerister men tolyqtyrý engizý týraly

Qazaqstan Respýblıkasynyń Úkimeti QAÝLY ETEDІ:

1. «Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasynyń azamattaryn esepke qoıý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 26 maýsymdaǵy № 856 qaýlysyna (Qazaqstan Respýblıkasynyń PÚAJ-y, 2012 j., № 59, 815-qujat) mynadaı ózgerister men tolyqtyrý engizilsin:

kórsetilgen qaýlymen bekitilgen Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasynyń azamattaryn esepke qoıý qaǵıdalarynda:

1-taraýdyń taqyryby mynadaı redaktsııada jazylsyn:

«1-taraý. Jalpy erejeler»;

1-tarmaq mynadaı redaktsııada jazylsyn:

«1. Osy Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasynyń azamattaryn esepke qoıý qaǵıdalary (budan ári – Qaǵıdalar) «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasynyń Zańyna (budan ári – Zań) sáıkes ázirlendi jáne memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasy azamattary esepke qoıý tártibin aıqyndaıdy.»;

2-taraýdyń taqyryby mynadaı redaktsııada jazylsyn:

«2-taraý. Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge
muqtaj Qazaqstan Respýblıkasynyń azamattaryn esepke qoıý tártibi»;

8-tarmaq mynadaı redaktsııada jazylsyn:

«8. Azamattardy esepke qoıý úshin mynadaı qujattar usynylýy qajet (aqparattyq júıelerden alýǵa bolatyn qujattardy azamattardan talap etýge jol berilmeıdi):

1. osy Qaǵıdalarǵa 1-qosymshaǵa sáıkes nysan boıynsha ótinish berýshide jáne onymen únemi birge turatyn otbasy múshelerinde osy eldi mekende turaqty paıdalanýda kommýnaldyq turǵyn úı qorynan berilgen turǵyn úıdiń bar nemese joq ekenin jergilikti atqarýshy organnyń tekserýine kelisimi kórsetilgen kommýnaldyq turǵyn úı qorynan beriletin turǵyn úıge muqtaj azamattardy esepke qoıý týraly ótinish;
2. ótinish berýshiniń jeke basyn kýálandyratyn qujat (ótinish berýshiniń jeke basyn sáıkestendirý úshin usynylady);
3. aqparattyq júıede aqparat bolmaǵan jaǵdaıda azamattyq hal aktilerin (týý, qaıtys bolý, neke qııý (erli-zaıypty bolý), nekeni (erli-zaıyptylyqty) buzý, bala asyrap alý, áke (ana) bolýdy anyqtaý, atyn, ákesiniń atyn jáne tegin ózgertý) memlekettik tirkeý týraly kýálikterdiń kóshirmeleri. Ótinish berýshiniń otbasy músheleri dep basqa adamdar tanylǵan jaǵdaılarda, sońǵylary ózderin ótinish berýshiniń otbasy músheleri dep taný týraly sot sheshiminiń kóshirmesin usynady;
4. aqparattyq júıede aqparat bolmaǵan jaǵdaıda halyqtyń áleýmettik jaǵynan álsiz toptaryna jatatyn azamattar buǵan qosa ótinish berýshiniń (otbasynyń) halyqtyń áleýmettik jaǵynan álsiz toptaryna jatatynyn rastaıtyn qujatty, sondaı-aq otbasynyń árbir múshesine (múgedek balalary bar nemese olardy tárbıeleıtin otbasylardy qospaǵanda) sońǵy on eki aı ishindegi tabysy týraly málimetterdi usynady;
5. aqparattyq júıede aqparat bolmaǵan jaǵdaıda memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler, arnaýly memlekettik organdardyń qyzmetkerleri jáne memlekettik saılanbaly qyzmet atqaratyn adamdar buǵan qosa jumys ornynan (qyzmetten) anyqtama usynady. Ǵaryshkerlikke kandıdattar, ǵaryshkerler Qazaqstan Respýblıkasynyń Úkimeti beretin mártebesin rastaıtyn qujatty usynady;
6. otbasy turatyn turǵyn úı belgilengen sanıtarııalyq-epıdemıologııalyq talaptarǵa saı kelmegen jaǵdaıda, ótinish berýshi sanıtarııalyq-epıdemıologııalyq qyzmet uıymy júrgizgen sanıtarııalyq-epıdemıologııalyq saraptamanyń nátıjeleri boıynsha halyqtyń sanıtarııalyq-epıdemıologııalyq salaýattylyǵy salasyndaǵy ýákiletti organnyń aýmaqtyq bólimshesi bergen sanıtarııalyq-epıdemıologııalyq qorytyndynyń túpnusqasyn qosymsha usynady;
7. otbasy turatyn turǵyn úı belgilengen tehnıkalyq talaptarǵa saı kelmegen jaǵdaıda, ótinish berýshi sáýlet, qala qurylysy jáne qurylys qyzmeti salasyndaǵy attestattalǵan sarapshynyń tehnıkalyq qorytyndysynyń (turǵyn úıdi tehnıkalyq zerttep-tekserý nátıjeleri boıynsha) túpnusqasyn qosymsha usynady;
8. otbasy quramynda keıbir sozylmaly aýrýlardyń aýyr túrlerimen aýyratyn naýqastar bolǵan, bir úı-jaıda (páterde) olarmen birge turý múmkin bolmaǵan jaǵdaıda ótinish berýshi tıisti aýrý túrin rastaıtyn qujatty qosymsha usynady.

Kórsetiletin qyzmetti alýshynyń jeke basyn rastaıtyn qujattardyń, nekege turý nemese buzý týraly, qaıtys bolý, balanyń týýy týraly kýáliktiń, ózine menshik quqyǵynda tıesili (Qazaqstan Respýblıkasy boıynsha) turǵyn úıdiń bar nemese joq ekeni týraly anyqtamanyń málimetterin, tirkelgen mekenjaıy týraly málimetterdi, basqa adamdardy kórsetiletin qyzmetti alýshynyń otbasy músheleri dep taný týraly sot sheshimin, kórsetiletin qyzmetti alýshynyń halyqtyń áleýmettik osal tobyna, memlekettik qyzmetshilerge, bıýdjettik uıymdardyń qyzmetkerlerine tıesililigin rastaıtyn qujattardy, salyq salynatyn tabysy týraly málimetterdi kórsetiletin qyzmetti alýshy otbasynyń barlyq múshesi úshin «elektrondyq úkimet» shlıýzi arqyly tıisti memlekettik aqparattyq júıelerden usynady.

Jumys orny boıynsha esepke qoıý úshin memlekettik kásiporynnyń ne memlekettik mekemeniń turǵyn úı qorynan beriletin turǵyn úıge muqtaj azamattar osy Qaǵıdalarǵa 2-qosymshaǵa sáıkes nysan boıynsha ótinishti, sondaı-aq osy tarmaqtyń 2), 3) jáne 4) tarmaqshalarynda kórsetilgen qujattardy usynady. Ótinish berýshide jáne onymen únemi birge turatyn otbasy múshelerinde osy eldi mekende turaqty paıdalanýda kommýnaldyq turǵyn úı qorynan berilgen turǵyn úıdiń bar nemese joq ekeni týraly jergilikti atqarýshy organnyń málimetterin memlekettik kásiporyndar nemese memlekettik mekemeler www.gosreestr veb-portalynda ornalasqan «Memlekettik turǵyn úı qorynyń obektilerin jaldaý sharttarynyń tizilimi» aqparattyq resýrsynyń quraldary arqyly alady.

Osy tarmaqta kórsetilgen qujattardyń málimetterin jańartý, ózgertý nemese tolyqtyrý úshin ótinish berýshi «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamyna (budan ári – Memlekettik korporatsııa) ne «elektrondyq úkimet» veb-portaly (budan ári – portal) arqyly osy Qaǵıdalarǵa 3-qosymshaǵa sáıkes nysan boıynsha ótinishti, sondaı-aq osy tarmaqta kózdelgen qajetti qujattardy negizder týyndaǵan ne uıaly telefonǵan sms-habarlama alǵan sátten bastap beredi.»;

9-tarmaq mynadaı redaktsııada jazylsyn:

«9. Jergilikti atqarýshy organ, memlekettik kásiporyn, memlekettik mekeme memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasy azamattarynyń kezektegi rettik nómirin habarlap jáne kórsete otyryp, esepke qoıý týraly nemese esepke qoıýdan dáleldi bas tartý týraly sheshimdi ótinish berilgen kúnnen bastap on bes jumys kúninen keshiktirmeı qabyldaıdy.

Jergilikti atqarýshy organdardyń sheshimine sáıkes ótinish berýshige habarlama Memlekettik korporatsııaǵa ne portaldaǵy «jeke kabınetke» elektrondyq qujat túrinde jiberiledi. Memlekettik kásiporynnyń ne memlekettik mekemeniń sheshimine sáıkes ótinish berýshige jazbasha túrde ne poshta boıynsha ne qolma-qol habarlanady.»;

12-tarmaq mynadaı redaktsııada jazylsyn:

«12. Turǵyn úıge muqtaj retinde esepte turǵan adamdardyń tizimin ózektilendirý maqsatynda aýdannyń, oblystyq mańyzy bar qalanyń, respýblıkalyq mańyzy bar qalalardyń, astananyń jergilikti atqarýshy organdary memlekettik organdardyń aqparattyq júıelerimen ıntegratsııalanǵan Turǵyn úıge kezekte turǵandardy esepke alýdyń biryńǵaı ulttyq júıesi arqyly avtomattandyrylǵan rejımde kommýnaldyq turǵyn úı qorynan turǵyn úıge muqtaj adamdardyń esebinde turǵan Qazaqstan Respýblıkasy azamattarynyń kezektilik tizimine jyl saıyn túgendeý júrgizedi.

Aqparattyq júıede málimetter bolmaǵan ne ótinish berýshi men onyń otbasy músheleri týraly málimetter ózgergen jaǵdaıda, ótinish berýshini jergilikti atqarýshy organdar Memlekettik korporatsııa ne portal arqyly tıisti qujattardy jańartý qajettigi týraly uıaly telefonǵa sms-habarlama arqyly habardar etedi.»;

1-qosymsha osy qaýlyǵa 1-qosymshaǵa sáıkes redaktsııada jazylsyn;

2-qosymsha osy qaýlyǵa 2-qosymshaǵa sáıkes redaktsııada jazylsyn;

osy qaýlyǵa 3-qosymshaǵa sáıkes 3-qosymshamen tolyqtyrylsyn.

2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń

Premer-Mınıstri A. Mamın