Turǵyn úıdi paıdalanýǵa berý qarqyny boıynsha Pavlodar Astanany basyp ozdy
ASTANA. QazAqparat - Turǵyn úıdi paıdalanýǵa berý qarqyny boıynsha 49,7 paıyzdyq ósimmen Pavlodar oblysy birinshi orynǵa shyqty. Bul týraly búgin Úkimet otyrysynda Ulttyq ekonomıka mınıstri Qýandyq Bıshimbaev məlim etti,-dep habarlaıdy QazAqparat.
"2016 jyldyń qańtar-qarasha aılarynda paıdalanýǵa berilgen turǵyn úı kólemi 8,9 mln sharshy metrdi qurap, 16,1 paıyzǵa ósti. Salystyra aıtsaq, bul 2015 jyldyń jyldyq kórsetkishimen teń. Jyl basynan beri 4,5 mln sharshy metr kóppəterli úıler, 4,4 mln sharshy metr jeke úıler paıdalanýǵa berildi",-dep məlim etti Q. Bıshimbaev.
Ulttyq ekonomıka mınıstriniń derekterine súıensek, jyl basynan bastap, qarasha aıyna deıin memlekettiń qarajaty esebinen 671,5 myń sharshy metr turǵyn úı paıdalanýǵa berilgen.
"Turǵyn úıdi paıdalanýǵa berý qarqyny Pavlodar oblysynda 49,7 paıyzdy, Aqmola oblysynda - 39,5 paıyz, OQO-da - 23,9 paıyz, Qyzylorda oblysynda - 23,3 paıyz, Astanada 35,7 paıyzdy qurady",-dep habarlady Q.Bıshimbaev.
