Turǵyn úıdi basqarýshy qyzmetine kimder úmitker bola alady
«Qujat boıynsha basqarýshy retinde tıisti attestaty men lıtsenzııasy bar jeke tulǵa taǵaıyndala alady», - dedi vedomstvo basshysy.
Mınıstrdiń sózine qaraǵanda, atalǵan lıtsenzııaǵa qoıylatyn talaptar, biliktilik deńgeıi jáne basqa da qajetti sharalar zańǵa qosymsha normatıvtik aktilerde kórsetiledi.
«Biz bul taqyrypty tyńǵylyqty pysyqtadyq. Qazirgi kezde turǵyn úı-kommýnaldyq sharýashylyq salasyn jaqsy biletin adamdar jetkilikti. Olar biliktiligin dáleldeýge jáne attestat alý úshin tek qysqa merzimdi kýrstardan ótýi kerek. Jergilikti atqarýshy organdarmen biz osy jumystyń tártibin retke keltiremiz», - dedi Roman Sklıar.
Budan buryn habarlanǵandaı, Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Zań jobasy kelesi negizgi máselelerdi sheshýge baǵyttalǵan, ıaǵnı «Bir úı - bir birlestik - bir shot» qaǵıdasy boıynsha «múlik menshik ıeleriniń birlestigi» kommertsııalyq emes uıymnyń jańa formasyn qurý arqyly basqarý organdarynyń qyzmetin retteý. Usynylǵan prıntsıp ár úıdi basqarýdyń jeke tásilin qarastyrady. Ár múlik menshik ıeleriniń birlestigi óziniń aǵymdaǵy jáne jınaqtaýshy shottaryn ashatyn bolady. Atalǵan shara páter ıeleri kooperatıvteri jáne basqarýshy kompanııalar tarapynan qyzmetter men tarıfterdiń turǵyndarǵa júktelmeýin jáne qarjylarynyń ashyq jumsalýyn qamtamasyz etedi. Sondaı-aq turǵyndardyń basqarý tásilin tańdaý quqyǵy jeke basqarý organdary arqyly nemese shart negizinde basqarýshy kompanııalar arqyly beriledi», - dedi Indýstrııa jáne ınfraqurylymdyq damý mınıstri Roman Sklıar.
