Turǵyn úıdi basqarýdyń jańa nysanyna kóshý kezinde qandaı máseleler týyndady
Spıkerdiń aıtýynsha, máselen iń biri - páter ıeleri kooperatıviniń (PIK) úıdi múlik ıeleri birlestigine (MIB) ótkizgisi kelmeıtindigimen baılanysty bolyp otyr.
«Kóbine basqarý organdarynyń tóraǵalary qabyldaý-tapsyrý aktisine óz erkimen qol qoıýdan bas tartady, al sot protsesi orta eseppen 1 jylǵa deıin sozylady. Ekinshi másele aýlany kútip ustaýǵa qatysty. Páterlerdiń, turǵyn emes úı-jaılardyń menshik ıeleri kondomınıým quramyna engizilmegen úıdiń janyn jáne aýla aýmaqtaryn tazartýdan keıde bas tartady. Úshinshi másele - shaǵyn páterlik turǵyn úılerdi kútip ustaý. Shaǵyn páterlik turǵyn úıdi (8-18 páterlik úıler) ustaýǵa arnalǵan shyǵyn esebinen kútip-baǵý MIB nemese JS tulǵasynda basqarýdyń jańa nysandarynyń birin tańdaý qarajattyń az túsýine baılanysty qıyn bolýy múmkin», - dedi Danııar Qyryqbaev.
Ol joǵaryda atalǵan máseleler boıynsha Indýstrııa jáne ınfraqurylymdyq damý mınıstrliginiń ortalyq memlekettik organyna hat joldanǵanyn málimdedi.
Sondaı-aq, Almaty qalasy turǵyn úı-kommýnaldyq sharýashylyǵyn reformalaý jónindegi jumys tobynyń quramyna engizilgen.
«Osy múmkindikti paıdalana otyryp, qala turǵyndaryna ótinish jasaǵym keledi. Sizderdi barynsha belsendi bolýǵa shaqyramyn. Zań bar, normatıvtik-quqyqtyq aktiler bar, olardy qoldanyńyzdar. Keńes kerek bolsa, bizdiń esigimiz sizder úshin árdaıym ashyq. Bizdiń basqarma Dostyq dańǵyly, 85 mekenjaıyndaǵy Áleýmettik qyzmetter úıinde ornalasqan. Birinshi qabatta «bir tereze» qaǵıdaty boıynsha barlyq áleýmettik qyzmetterdi alý úshin qolaıly jaǵdaı jasalǵan. Sizder bizdiń mamandarmen 225-14-31 nómiri arqyly baılanysa alasyzdar», - dedi Almaty qalasy turǵyn úı saıasaty basqarmasynyń basshysy.
