Turǵyn úıdi basqarý salasyna qandaı mamandardy tartý kerek
«Qazirgi kezde bizde úıdi basqarýshy nemese PIK tóraǵasy egde jastaǵy adam dep sıpattalady. ıAǵnı ómirlik tájirıbesi bar turǵyndar qaralady. Alaıda bul adamdardyń osy salada biliktiligi azdaý. Turǵyndar bul jaǵdaıdy jaqsy biledi, óıtkeni olar kúndelikti PIK tóraǵasymen kezdesip jatady. Úıdi basqaratyn adamnyń tıisti bilimi bolýy kerek, ıaǵnı ekonomıst, zańger, ınjener, áleýmettik jumysker biliktiligi qajet. Atap aıtqanda, kóp qabatty úıdi basqarý hobbı emes, jumys ekenin túsiný kerek», - dedi ol Parlament Májilisiniń jalpy otyrysynda.
Osy oraıda N. Nyǵmatýlın turǵyn úıdi basqarýdy durys júrgizý kerektigin qadap aıtty. Óıtkeni PIK jumysyndaǵy kemshilikter salany damytýǵa kedergi keltirip otyr. Turǵyndar da bul kemshilikterge kóndigip alǵan. Olar ózderiniń páterlerin jóndeýge nazar aýdarady, al turǵyn úıdiń kireberisi syn kótermeıdi.
«Turǵyn úı-kommýnaldyq sharýashylyǵy halqymyz úshin mańyzdy máselelerdiń biri. Bul salada sheshilmegen túıtkilder áli de kóp. Osyǵan baılanysty Elbasy tórtinshi sessııanyń ashylýynda turǵyn úı qatynastaryn retteýge naqty tapsyrmalar bergen bolatyn. Sondyqtan búgingi zań jobasy atalǵan sala boıynsha júktelgen mindetterdi jan-jaqty tıimdi sheshýge yqpal etetin bolady», - dedi Nurlan Nyǵmatýlın.
Budan buryn habarlanǵandaı, Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
«Zań jobasy kelesi negizgi máselelerdi sheshýge baǵyttalǵan, ıaǵnı «Bir úı - bir birlestik - bir shot» qaǵıdasy boıynsha «múlik menshik ıeleriniń birlestigi» kommertsııalyq emes uıymnyń jańa formasyn qurý arqyly basqarý organdarynyń qyzmetin retteý. Usynylǵan prıntsıp ár úıdi basqarýdyń jeke tásilin qarastyrady. Ár múlik menshik ıeleriniń birlestigi óziniń aǵymdaǵy jáne jınaqtaýshy shottaryn ashatyn bolady. Atalǵan shara páter ıeleri kooperatıvteri jáne basqarýshy kompanııalar tarapynan qyzmetter men tarıfterdiń turǵyndarǵa júktelmeýin jáne qarjylarynyń ashyq jumsalýyn qamtamasyz etedi. Sondaı-aq turǵyndardyń basqarý tásilin tańdaý quqyǵy jeke basqarý organdary arqyly nemese shart negizinde basqarýshy kompanııalar arqyly beriledi», - dedi Indýstrııa jáne ınfraqurylymdyq damý mınıstri Roman Sklıar.
