Turǵyn úıde gazdy aýa qospasynyń jarylýynan 3 adam zardap shekti - Almaty
ALMATY. QazAqparat - Búgin, 24 sáýirge qaraǵan túni Almaty qalasy, Túrkisib aýdanynyń Bertold kóshesinde ornalasqan 5 páterli barak tárizdi salynǵan turǵyn úıdiń №1 páterinde 03 saǵat 40 mınýtta gazdy aýa qospasy jaryldy, dep habarlaıdy QR Tótenshe jaǵdaılar mınıstrliginiń baspasóz qyzmetinen.
Jarylystyń nátıjesinde turǵyn úıdiń aýmaǵy 100 sharshy metr bolatyn ústińgi jabyndysy men shatyry qıraǵan. Biraq órt oryn almaǵan. Tótenshe jaǵdaıdy joıýǵa Almaty q. órt sóndirý qyzmetiniń jeke quramynyń 19 adamy men 5 tehnıkasy jumyldyryldy.
Sondaı-aq oqıǵa ornynan túrli jaraqattar alǵan 3 turǵyn (1946 j. t. N.Bolochkova, 1982 j. t. I.Lysıchko jáne 1987 j. t. Sh.Omarov) aýrýhanaǵa jetkizildi.
Qazir oqıǵanyń sebepteri anyqtalýda.
