Turǵyn úı jınaq bankinen depozıt ashý jeńildedi
ASTANA. QazAqparat - Qazaqstannyń Turǵyn úı qurylys jınaq banki endi depozıt asharda tutynýshydan komıssııanyń qunyn suramaıdy. Bul týraly banktiń baspasóz qyzmetinen habarlady.
«Banktiń qurmetti klıentteri! Komıssııa tólemeı, depozıt ashyńyzdar! 2017 jyldyń 3 sáýirinen bastap turǵyn úı qurylys jınaqtary týraly jáne kelisimsharttaǵy aqshany kóbeıtý týraly kelisim jasalǵanda, komıssııa múlde alynbaıdy. Búgin «Turǵyn úı qurylys jınaq banki» AQ Dırektorlar keńesiniń otyrysynda osyndaı sheshim qabyldandy»,-dep habarlady banktiń baspasóz qyzmeti.
Aıta keteıik, buryn bankten depozıt asharda kelisimsharttyń 0,55 paıyzy kóleminde komıssııa alynatyn.
