Turǵyn úı jaldaý sýbsıdııasyna arnalǵan shottar óndirip alý operatsııalarynan qorǵalady
QR Indýstrııa jáne ınfraqurylymdyq damý vıtse-mınıstri Erkebulan Daýylbaev QR Parlamenti Májilisinde «Qazaqstan Respýblıkasynyń keıbir zańnamalyq áktilerine turǵy úı saıasatyn reformalaý máseleleri boıynsha ózgerister men tolyqtyrýlar engizý týraly» Zań jobasyn tanystyra otyryp, osyndaı málimet keltirdi.
«Otbasy banki bazasynda Turǵyn úımen qamtamasyz etý ortalyǵy qurylady. Oǵan turǵyn úıge muqtaj barlyq azamattar tura alatyn bolady. Árbir ótinim úshin kiristerdi, múlik pen aktıvterdi ashatyn otbasynyń sandyq portreti jasalady.
Turǵyn úımen qamtamasyz etý ortalyǵy turǵyn úıi joq QR azamattary boıynsha memlekettik derekqorlarmen ıntegratsııalanǵan biryńǵaı aqparattyq baza bolyp tabylady.
Turǵyn úımen qamtamasyz etý ortalyǵyn qurý «turǵyn úıge muqtaj» degen mártebeni rastaý úshin birneshe ınstantsııaǵa júginýdiń, kezekke turýdyń, sodan keıin qaryz alý úshin bankke júginýdiń qajettiligin joıatyn «bir tereze» qaǵıdatyn qoldanýǵa múmkindik beredi.
Turǵyn úı jaǵdaılaryn jaqsartýǵa baǵyttalǵan memlekettik qoldaý sharalarynyń jańa modeline sáıkes turǵyn úıdi bólý esepke qoıý kúnine jáne kiris deńgeıine baılanysty júzege asyrylatyn bolady» - dedi Erkebulan Daýylbaev.
Vıtse-mınıstr zań jobasy boıynsha turǵyn úı jaldaý sýbsıdııasy tabysy otbasynyń árbir múshesine 1 eń tómengi kúnkóris deńgeıinen aspaıtyndarǵa beriletinin atap ótti.
«Tabysy 1 eń tómengi kúnkóris deńgeıinen joǵary kezekte turǵandarǵa turǵyn úı satyp alý úshin jeńildikti turǵyn úı qaryzdary túrinde memlekettik qoldaý sharalary kórsetiletin bolady.
Halyqtyń áleýmettik osal toptarynyń jekelegen sanattaryn turǵyn úımen qamtamasyz etý máselesin jedel sheshý maqsatynda mınıstrlik jeke turǵyn úı qorynan turǵyn úıdi jaldaý aqysyn sýbsıdııalaý tetigin pysyqtaýda.
Osy tetik arqyly otbasy múshesine shaqqanda 1 eń tómengi kúnkóris deńgeıinen (36 018 teńge) tómen tabysy bar kópbalaly otbasylar, 1 jáne 2-toptaǵy múgedekter, jetim balalar, múgedek balalary bar otbasylar turǵyn úımen qamtamasyz etiledi.
Bul qysqa merzimde 70 myńǵa jýyq kezekte turǵandardyń turǵyn úı jaǵdaıyn jaqsartýǵa múmkindik beredi», - dedi mınıstrdiń orynbasary.
Sondaı-aq, ol qaıtalama naryqta jalǵa alynǵan turǵyn úı tólemderin taǵaıyndaý qaǵıdalary bekitilgenin eske saldy. Bul tetik aǵymdaǵy jyldyń 1 mamyrynan bastap iske qosylamaq.
«Jalǵa alýshylardyń jaldaý tólemderi men sýbsıdııalaryn esepke alý úshin shottary úshinshi tulǵalardyń óndirip alýlarynan, tyıym salýlarynan jáne ózge de shekteýlerinen qorǵalatynyn atap ótken jón. Basqa somalar osy shottarǵa aýdarylmaıtyn bolady», - dedi Erkebulan Daýylbaev.
