Turǵyn úı jaldaý sýbsıdııasy boıynsha 25 myńnan astam ótinim qabyldandy

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda turǵyn úı jaldaý sýbsıdııasyna bıýdjetten qarjy bólý barysy týraly málimet berdi, dep habarlaıdy QazAqparat tilshisi.

«Búgingi tańda ákimdikterde turǵyn úıge muqtaj 613 myńnan astam azamat kezekte tursa, onyń 222 myńy áleýmettik osal sanattaǵy azamattar. Onyń 70 myńy tabysy eń tómengi kúnkóris deńgeıinen tómen adam, 51 myńy kópbalaly otbasylar, 2 myńy jetim balalar, 10 myńy 1 jáne 2 toptaǵy múgedekter jáne 7 myńy múgedek balasy bar otbasylar»,- dedi vedomstvo basshysy.

Onyń aıtýyna qaraǵanda, «Otbasy bank» bazasynda tsıfrlyq platforma iske qosylǵan. Sol platforma arqyly 25 myńnan astam ótinim qabyldanyp, onyń 6 myńǵa jýyǵy maquldanǵan.

«Ataýly kómek qaǵıdaty azamattardyń ortaq jaýapkershiligine negizdelgen. ıAǵnı, 50%-y memlekettik sýbsıdııalar esebinen jabylsa, qalǵan 50%-yn jalǵa alýshy óz betinshe tóleıdi. 50% sýbsıdııanyń 80%-yn respýblıkalyq bıýdjetten, 20%-yn jergilikti bıýdjetten jabý kózdelip otyr. Respýblıkalyq bıýdjette 40 mlrd teńge mólsherinde qajetti qarjylandyrý kólemi kózdelgen jáne búgingi kúni «Otbasy bankke» qarjylandyrý josparyna sáıkes 3 mlrd teńge aýdaryldy.Óńirlerdiń máslıhattary qajetti 10 mlrd teńgeniń jergilikti bıýdjet shyǵystary esebinen 3,7 mlrd teńgeni bekitti. Degenmen, Batys Qazaqstan oblysy boıynsha osy kúnge deıin jetkizilgen lımıtke sáıkes turǵyn úı tólemderi úshin jergilikti bıýdjetten qarjylandyrý qarastyrylmaǵan», - dedi Qaıyrbek Óskenbaev.

Aıta keteıik, Úkimet otyrysynda Premer-Mınıstr arendalyq turǵyn úıdi satyp alýdaǵy zańnama qaıshylyǵyn sheshýdi tapsyrdy.