Turǵyn úı jaǵdaıyn jaqsartý úshin qarajat jınaqtaý mádenıetin qalyptastyrý kerek

Búgin QR Parlamenti Senatynda «Turǵyn úı qurylys jınaq banki» júıesi arqyly Qazaqstan Respýblıkasynda turǵyn úı qurylysynyń memlekettik saıasatyn jetildirý» taqyrybynda ótken dóńgelek ústel barysynda Palata Tóraǵasynyń orynbasary Muhambet Kópeı osylaı málim etti, dep habarlaıdy QazAqparat.

«Elimizdegi turǵyn úı qurylysy salasyn odan ári damytý barysynda buǵan deıin oryn alǵan qarjylyq-ekonomıkalyq daǵdarystyń barlyq sabaqtary eskerilýi shart. Osy daǵdarystyń ózi elimizdegi turǵyn úı qurylysy salasyndaǵy memlekettik saıasatty jetildire túsý qajettigin kórsetti», dedi Tóraǵa orynbasary.

Sonymen birge, M. Kópeı turǵyn úı jaǵdaıyn jaqsartý baǵytyndaǵy jańa júıeniń - turǵyn úı qurylysy jınaqtaý júıesiniń Qazaqstannyń turǵyn úı qurylysy saıasatynyń basym baǵyttary bolýy tıistigin atap ótti. «Sondyqtan da, eń aldymen jurtshylyq arasynda turǵyn úı jaǵdaıyn jaqsartý úshin qarajat jınaqtaý mádenıetin qalyptastyrý kerek», dedi vıtse-spıker.