Turǵyn úı zaemdary Qazaqstannyń barlyq azamattaryna beriletin bolady - zań jobasy
ASTANA. 13 maýsym. QazAqparat - Búgin Májilis spıkeri Nurlan Nyǵmatýlınniń jetekshiligimen ótken palatanyń jalpy otyrysynda depýtattar «Qazaqstan Respýblıkasyndaǵy turǵyn úı qurylysy jınaq aqshasy týraly» QR zańyna ózgerister men tolyqtyrýlar engizý týraly» zań jobasyn maquldady.
Atalǵan zań jobasy Memleket basshysy N. Nazarbaevtyń 2010 jylǵy halyqqa Joldaýynda júktelgen mindetterdi júzege asyrýǵa baǵyttalǵan. «Qujat búgingi kúni iske asyrylyp jatqan turǵyn úı qurylysy baǵdarlamasyna jáne jańadan ázirlengen «Qoljetimdi turǵyn úı-2020» baǵdarlamasyna halyqtyń qalyń jigin qatystyrý úshin jaǵdaı qalyptastyrý bolyp tabylady. Budan bólek, el azamattarynyń turǵyn úıge qoljetimdiligin arttyrý maqsatynda turǵyn úı-jınaq júıesin odan ári damytý sharalary qamtylyp otyr. Bul rette qoldanystaǵy zańnamada bıýdjettik qarajat esebinen aldyn ala jáne aralyq turǵyn úı zaemdaryn berý azamattardyń belgili bir sanatyna (jas otbasylarǵa, memlektetik qyzmetkerlerge, bıýdjettik uıym men kásiporyn qyzmetkerlerine) ǵana qarastyrylǵan bolatyn. Sondyqtan da, zań jobasyna sáıkes bundaı qaryzdar halyqtyń keń tobyna beriledi jáne qoldanystaǵy shekteýler alynyp tastalady. Bul rette ózgeris Qazaqstannyń barlyq azamattaryn qamtıtyn bolady», - deıdi qujat boıynsha baıandaǵan Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın.
Sonymen qatar, merzimi ótkennen keıin salymshynyń memlekettiń syıaqysyn alýǵa quqy bolatyn, 5 jyl merzimdi 3 jylǵa deıin ózgertý kózdeledi.
