Turǵyn úı tólemderin alatyn polıtsııa qyzmetkerleriniń sany 38 myńnan asty

ASTANA. QazAqparat – Memleket basshysy Qasym-Jomart Toqaev Іshki ister mınıstrliginiń alqa májilisinde polıtseılerge sońǵy úsh jyldyń ishinde qandaı qoldaý sharalary qabyldanǵanyn aıtyp ótti, dep habarlaıdy QazAqparat Aqordaǵa silteme jasap.

«Sońǵy úsh jyldyń ishinde naqty sharalar atqaryldy. Jalaqyny birneshe ret kóterdik. Turǵyn úı tólemderin alatyn qyzmetkerler kóbeıdi. Qazir olardyń sany 38 myńnan asty. Ulttyq ulanǵa qoldaý kórsetilýde. Materıaldyq-tehnıkalyq bazany nyǵaıtý úshin jyl saıyn qomaqty qarjy bólinip otyr. Innovatsııalyq tehnologııalar engizilýde. Jalpy ishki ister organdaryna qoldaý kórsetile beredi. Osynyń bári azamattardy qorǵaý jáne qoǵamdyq tártipti nyǵaıtý úshin kerek. Temirdeı tártip – turaqtylyq pen tynyshtyqtyń kepili. Men Mınıstrlik basshylyǵy aımaqtarǵa baryp, jurtpen kezdesip júrgenin bilemin. Turǵyndardy tolǵandyratyn máseleler az emes. Sonyń bárin kózben kórip, aqyldasyp, birlesip sheshken durys. Sondyqtan biz búgin ishki ister organdarynyń jumysyna qatysty ózekti máselelerdi talqylaımyz», - dep atap ótti Qazaqstan Prezıdenti.