«Turǵyn úı Shymkenttiń» basshylyǵy qalaı ustaldy - vıdeo

ASTANA. QazAqparat - «Turǵyn úı Shymkent» JShS - qalalyq ákimdikke qarasty kásiporyn. Atalǵan kompanııa turǵyn úı - kommýnaldyq jańǵyrtý sharalaryna jaýap beredi, dep xabarlaıdy QazAqparat tilshisi.

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurjan Jaxınniń aıtýynsha, jaqynda «Turǵyn úı Shymkent» JShS dırektory Muhambetjan jáne onyń orynbasary Baqbergenov ustaldy.

«Olar «Nurly jer» jáne «Turǵyn úı-kommýnaldyq sharýashylyǵyn jańǵyrtý» baǵdarlamalary aıasynda Shymkenttegi úılerdi jóndeýge qatysty merdigerlik sharttardy jasaǵany úshin 5,1 mln teńge somasynda zańsyz syıaqy aldy degen kúdik bar. Jalpy, merdigerlik jumystarǵa  34 mln teńge bólingen", - dedi N.Jaxın Astanada ótken baspasóz máslıxatynda. 

Aıta keteıik, buǵan deıin QR Memlekettik qyzmet isteri jáne sybaılas jemqorlyqqa qarsy is-qımyl agenttigi bólim basshysyn 1,7 mln teńgemen ustaǵany týraly vıdeony jarııalaǵan bolatyn. 

Qaraǵandy oblysy boıynsha sot saraptamasy ınstıtýtynyń basshylyǵy patologanatomdyq qyzmetke zańsyz jarnama jasap, sol úshin júıeli túrde para alyp kelgen.

Al qostanaılyq sheneýnikter "Nurly jer" baǵdarlamasynyń tenderin 30 mln teńgege satyp jibergen.