Turǵyn úı shatyrynda atys qarýyn saqtaǵan báıdibektik turǵyn qamaýǵa alyndy
TÚRKІSTAN. QazAqparat - Turǵyn úı shatyrynda atys qarýyn saqtaǵan báıdibektik turǵyn qamaýǵa alyndy, dep habarlaıdy QazAqparat tilshisi.
Kúdiktiniń aıtýynsha, ol Almaty qalasyndaǵy jappaı tártipsizdik kezinde atys qarýyn taýyp alǵan. Sodan, úıiniń shatyrynda saqtaǵan. Qazirgi tańda kúdikti er adam qamaýǵa alyndy. Atalǵan jaıt boıynsha sotqa deıingi tergeý amaldary júrgizilýde.
«Báıdibek aýdandyq polıtsııa bólimine jergilikti turǵynnyń úıinde atys qarýyn zańsyz saqtaǵany týraly jedel aqparat kelip tústi. Túrkistan oblysy polıtsııa departamentiniń Krımınaldyq polıtsııa jáne Uıymdasqan qylmysqa qarsy kúres basqarmalarynyń qyzmetkerleri jergilikti turǵynnyń úıin tintý kezinde CZ SCORPION markaly atys qarýyn taýyp, tárkiledi.
Atalǵan jaıt QR QK 287-babynyń 3-bóligi «qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý« boıynsha tirkeldi» - delingen Túrkistan oblysy polıtsııa departamentiniń bapasóz qyzmeti taratqan habarlamada.
