Turǵyn úı sektorynda órtter sany qys mezgilinde artady - QR TJM
ASTANA. 12 qańtar. QazAqparat /Rýslan Ǵabbasov/ - Turǵyn úı sektorynda 2011 jyly 10 myń órt tirkeldi.
Bul týraly búgin Astanada ótken brıfıngte QR Tótenshe jaǵdaılar mınıstrliginiń resmı ókili Lıýbov Shaposhnıkova málim etti.
«Turǵyn úı sektoryndaǵy órt sany tómendegenin atap ótken jón. Máselen, 2010 jyly 13 myńnan astam órt tirkelgen bolsa, 2011 jyly onyń sany 10 myńdy qurady»,-dedi ol.
Onyń sózine qaraǵanda, órtterdiń shyǵýy negizinen adamdardyń qaýipsizdik turǵysyndaǵy nemquraılylyǵynan bolyp jatady.
«Tájirıbe kórsetip otyrǵandaı, órtterdiń basym bóligi «adamı faktordyń» sebebinen bolyp jatady»,-dedi resmı ókil.
Osy oraıda L. Shaposhnıkova órtter sany qyz mezgilinde artatynyn, respýblıka hylqynyń basym bóligi (60 paıyzlan astamy) qysta jylytý peshterin paıdalanatynyn jetkizdi.
«Peshterdi ornatýda jáne olardy paıdalaný kezinde órt qaýipsizdigi erejelerin saqtamaıtyn kóptegen azamattar óz úıleri men týǵandarynyń ómirine úlken qater tóndiredi. Tótenshe jaǵdaılar mınıstrligi qys mezgilinde qaýipsizdik erejelerin qatań saqtaý kerektigin eskertedi»,-dep atap ótti resmı ókil.
