Turǵyn úı órtenip, 80 adam qaýipsiz jerge kóshirildi - Almaty
ALMATY. QazAqparat - Almatyda 4 qabatty turǵyn úı órtenip, 80 adam qaýipsiz jerge kóshirildi. Bul týraly qalalyq TJD baspasóz qyzmeti habarlady.
Oqys oqıǵa Naýryzbaı aýdanyndaǵy «Taý samaly» shaǵyn aýdanynda oryn alǵan. Órt týraly habarlama tańǵy 9-de kezekshi pýltine túsken.
«Turǵyn úıdiń shatyry órtke orandy. Qyzyl jalyn 450 sharshy metr aýmaqty sharpydy. Tańerteńgi 10-ǵa taman órt tolyǵymen aýyzdyqtaldy. Órtti sóndirýge 17 arnaıy tehnıka, 56 adam jumyldyryldy», - dedi baspasóz qyzmetinen.
Tótenshe jaǵdaı saldarynan 80 adam, onyń ishinde 37 bala qaýipsiz jerge kóshirildi. Qalalyq qutqarý qyzmetiniń baspasóz hatshysy Nókerbekova Gaýhardyń aıtýynsha, turǵyndar ákimshiliktiń ýaqytsha bergen turǵyn jaıynan bas tartyp, týysqandarynyń úıine tarap ketti.
Órttiń neden tutanǵanyn arnaıy qyzmet ókilderi anyqtaýda.
