Turǵyn úı naryǵynda baǵa az ǵana tómendedi - Statıstıka
ASTANA. QazAqparat - 2015 jylǵy maýsymda ótken aımen salystyrǵanda jańa turǵyn úılerdi satý baǵalary 0,2 paıyzǵa, abattandyrylǵan turǵyn úılerdi alyp satý - 0,1 paıyzǵa tómendedi.
Sonymen qatar, abattandyrylǵan turǵyn úıdi jalǵa alý tólemi 0,5 paıyzǵa ósti. Bul týraly Ulttyq ekonomıka mınıstrliginiń Statıstıka komıtetinen habarlandy.
Atap aıtqanda, 2015 jyldyń maýsymynda elimizdiń turǵyn úı naryǵyndaǵy baǵa boıynsha, jańa turǵyn úılerdi satýdyń sharshy metri ortasha alǵanda 222 myń 406 teńgeni qurady. Bul mamyr aıyna qaraǵanda 0,2 paıyzǵa tómen. Al abattandyrylǵan turǵyn úılerdi alyp satýdyń ortasha baǵasy sharshy metrine 173 myń 013 teńge bolyp otyr. Bul aǵymdaǵy jyldyń mamyr aıyna qaraǵanda 0,1 paıyzǵa tómen. Budan bólek, abattandyrylǵan turǵyn úılerdi jalǵa berýdiń ortasha quny sharshy metrine 1 myń 269 teńgeni quraǵan. Bul kórsetkish ótken mamyr aıymen salystyrǵanda 0,5 paıyzǵa joǵary.
