Turǵyn úı men qurylys materıaldaryn qymbattatpaý úshin qandaı sharalar jasaldy

NUR-SULTAN. QazAqparat – QR Básekelestikti qorǵaý jáne damytý agenttiginiń tóraǵasy Serik Jumanǵarın turǵyn úı men qurylys materıaldary baǵasyn qymbattatpaý úshin qandaı sharalar jasalǵanyn aıtyp berdi, dep habarlaıdy QazAqparat.

Onyń aıtýynsha, Memleket basshysynyń tapsyrmalaryn oryndaý úshin turǵyn úı jáne qurylys materıaldary naryqtaryndaǵy baǵalardy tejeý jónindegi sharalar iske asyryldy.

«2021 jyly bastapqy turǵyn úı baǵasy 16,6%-ǵa ósti. Negizgi ósim qańtar aıynda 3% kóleminde baıqaldy. Baǵanyń tómendeýi týraly 15 habarlama joldandy. Onyń 14-i oryndaldy jáne 1 tergep-tekserý taǵaıyndaldy. Іri kompanııalar – Bazıs, Bı Aı Grýpp, Rams jáne óńirlik qurylys salýshylar baǵany 7-den 20 paıyzǵa deıin tómendetti. Nátıjesinde aı saıynǵy baǵanyń ósý qarqyny qarasha aıynda 0,6%-ǵa deıin tómendedi», - dedi S. Jumanǵarın Básekelestikti qorǵaý jáne damytý agenttigi alqasynyń otyrysynda.

Qurylys materıaldary naryǵynda baǵa 26%-ǵa artqan. Sondyqtan munda da monopolııaǵa qarsy sharalar kesheni júrgizilip, 84 habarlama joldanǵan. Onyń 50-i oryndaldy. 20 tergep-tekserý taǵaıyndaldy, onyń jeteýi aıaqtaldy. Nátıjesinde baǵa 5-25% aralyǵynda arzandaǵan.