Turǵyn úı qurylysynyń 2008-2010 jyldarǵan arnalǵan baǵdarlamasyna qatysýshylar jyl sońyna deıin páterlerin alady
ASTANA. 2 naýryz. QazAqparat - Turǵyn úı qurylysynyń 2008-2010 jyldarǵan arnalǵan memlekettik baǵdarlamasyna qatysýshylar páterlerin jyldyń sońyna deıin alady,
dep habarlady Astana ákimdiginiń baspasóz qyzmetinen.
«2011 jylǵy 1 qańtardaǵy jaǵdaı boıynsha 97 myń sharshy metr jerge qurylys júrgizildi nemese 2293 páter salyndy. Onyń ishinde 2113 páter turǵyn úı komıssııasynyń qatysýymen bólindi. Onyń quramyna memlekettik organdar ókilderi, «Nur Otan» partııasynyń músheleri, Astana qalasynyń máslıhaty, qoǵamdyq uıymdar jáne BAQ ókilderi kiredi. Sonymen birge komıssııa otyrysyna baqylaýshy retinde UQK jáne qarjy polıtsııasy ókilderi shaqyrylady»,- dep habarlaıdy ákimdiktiń baspasóz qyzmetinen.
Ákimdiktegilerdiń eske salýynsha, bıýdjettik baǵdarlamalar boıynsha salynyp jatqan barlyq nysandardyń qurylysy Qazaqstan Respýblıkasy Qurylys jáne turǵyn-úı kommýnaldyq sharýashylyq isteri agenttigimen belgilengen tártipte bekitilip, memlekettik saraptamadan ótken jobalaý-smetalyq qujattamaǵa sáıkes júzege asyrylýda. Buzýshylyqtardy boldyrmaıtyn qurylys kestesi jáne sapa monıtorıngi jónindegi tehnıkalyq baqylaýdy Qurylys basqarmasy men memlekettik sáýlet-qurylys baqylaý ınspektory júrgizedi. Turǵyn úı ǵımarattaryndaǵy negizgi qurylys qurylymdarynyń barlyǵynyń sapasy qurylys normatıvteri talaptaryna saı keledi.
Turǵyn úı qurylysynyń memlekettik baǵdarlamasyn iske asyrý Astana qalasynyń ákimi Imanǵalı Tasmaǵambetovtiń jáne ákimniń birinshi orynbasary Sergeı Horoshýnnyń tikeleı baqylaýynda.
