Turǵyn úı qurylysynda kúrdeli ári iri qurylys nysandaryn salýmen tek 300 kompanııa ǵana aınalyspaq
ASTANA. 7 jeltoqsan. QazAqparat - Endi elimizde kúrdeli ári iri qurylys nysandaryn salýmen jáne jobalaýmen tek 300 kompanııa ǵana aınalysady.
Parlamentte «Halyqty turǵyn úımen qamtamasyz etýdiń jaı-kúıi men perspektıvalary» atty taqyrypta ótken parlamenttik tyńdaýda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın osylaı málim etti.
«Qoljetimdi turǵyn úı» baǵdarlamasyn iske asyrǵan kezde qurylystyń sapasyn baqylaý da erekshe mańyzdy. Buryn qurylys naryǵynda 40 myń lıtsenzıat bolǵan, olardyń árqaısysy kúrdeligi ártúrli barlyq obektilerde jumys isteı beretin. Osy jyly jańa talaptarǵa sáıkes lıtsenzııa berý qaıta qaraldy. Nátıjesinde búgingi kúni iri, kúrdeli jáne biregeı nysandardy salýǵa jáne jobalaýǵa 300-ge jýyq kompanııaǵa ruqsat berildi», - deıdi Serik Nokın. Onyń aıtýynsha, mektepter jáne aýrýhanalar sııaqty kúrdeliligi ortasha deńgeıdegi nysandardy salýǵa 2300 uıymǵa ruqsat berilgen. Qalǵan uıymdar kúrdeli emes nysandarda jumys júrgize alady.
Sonymen birge, jeke tulǵalardy attestattaý engizildi, onda árbir sarapshynyń jeke jaýapkershiligi kózdelgen. Bul biliksiz jáne kásibı emes adamdardy qurylys naryǵynan shyǵaryp tastaýǵa múmkindik beredi.
