«Turǵyn úı qurylysyna kepildik berý qory» koreıalyq korporatsııamen memorandýmǵa qol qoıdy
«Báıterek» holdınginiń basqarma tóraǵasy Aıdar Áriphanov «Holdıngtiń negizgi basymdyqtarynyń biri - yntymaqtastyqty jan-jaqty damytý jáne halyqaralyq seriktestermen ózara is-qımyl jasaý» dep atady. Naqtyraq aıtqanda, osy jumystyń arqasynda Qazaqstanda Koreıa Respýblıkasynyń tájirıbesi boıynsha Turǵyn úı qurylysyna kepildik berý qory quryldy jáne onyń qyzmeti úshin qajetti zańnamalyq baza ázirlendi.
«Bizdiń yntymaqtastyǵymyzdyń negizgi qaǵıdattary Memleket basshysy Nursultan Nazarbaevtyń Koreıa Respýblıkasyna resmı sapary aıasynda 2016 jyldyń qarashasynda qol qoıylǵan ózara túsinistik týraly memorandýmda bekitilgen. Búgin biz Memorandýmnyń merzimin uzartamyz, ol tájirıbe men bilim almasýǵa negiz bolady», - dep atap ótti Aıdar Áriphanov.
Óz sózinde Koreıa Respýblıkasynyń Turǵyn úı kepildigi korporatsııasynyń basqarma tóraǵasy Lı Chae Kvang jemisti yntymaqtastyqty nyǵaıtýǵa úles qosqan úshin qazaqstandyq tarapqa rızashylyǵyn bildirdi.
«Qazaqstan Respýblıkasy Úkimetiniń jáne «Báıterek» holdınginiń arqasynda qysqa merzim ishinde Qazaqstanda turǵyn úı kepildigi salasynda Koreıa Respýblıkasynyń tájirıbesi engizildi. Bul birinshi halyqaralyq jetistik, - dedi Lı Chae Kvang. - Jańa memorandým praktıkalyq jáne ózara tıimdi jumystyń nyshany bolady dep senemin. Biz yntymaqtastyqty júzege asyrý boıynsha, atap aıtqanda, birlesken tájirıbe uıymdastyrý úshin, egjeı-tegjeıli jospardy ustanamyz».
Koreıa Respýblıkasynyń Qazaqstandaǵy Tótenshe jáne ókiletti elshisi Kım De Sık ekijaqty yntymaqtastyqtyń zor ekonomıkalyq áleýetine toqtaldy.
«Eń joǵary yqtımaldyǵy bar jerlerde - tehnologııalar, bilim berý, áleýmettik jobalar, turǵyn úımen qamtamasyz etý, biliktilikti arttyrý, tájirıbe almasý sııaqty salalarda birge jumys isteý mańyzdy, - dedi Kım De Sık. - Bul eki el úshin barynsha paıda ákeletin salalardaǵy jetistikter».
Memorandým aıasynda taraptar turǵyn úı qurylysyna kepildik berý salasyndaǵy yntymaqtastyqty damytýǵa jáne qoldaýǵa nıet bildirdi. Bul baǵyttaǵy naqty qadamdar turǵyn úıdi kepildendirý júıesi, tájirıbe almasý, turǵyn úı qurylysy salasyndaǵy yntymaqtastyqty keńeıtý jáne aqparat almasý, sondaı-aq jumys toptaryn qurý jáne taraptardyń ókilderiniń birlesken bilim berý baǵdarlamalaryna qatysýy salasyndaǵy tájirıbe almasý bolady.
