Turǵyn úı qurylysyna qatysty barlyq baǵdarlama onyń qoljetimdiligin qamtamasyz etýge baǵyttalýy shart - Májilis spıkeri
ASTANA. 7 jeltoqsan. QazAqparat -Elimizde júzege asyp jatqan turǵyn úı qurylysyna qatysty barlyq baǵdarlama onyń qoljetimdiligin qamtamasyz etýge baǵyttalýy shart.
Búgin «Halyqty turǵyn úımen qamtamasyz etýdiń jaı-kúıi men perspektıvalary» atty taqyrypta ótken parlamenttik tyńdaýda Májilis Tóraǵasy Nurlan Nyǵmatýlın osylaı málim etti.
Spıkerdiń aıtýynsha, barlyq turǵyn úı qurylysyna qatysty baǵdarlamalar tek qurylys aýqymynyń ósimine qol jetkizip qana qoımaı, eń aldymen onyń qoljetimdiligine, onda da ekonomıkalyq turǵydaǵy qoljetimdiligine baǵyttalýy shart.
«Jalpy baspananyń qoljetimdiligin qamtamasyz etý boıynsha keshendi sharalar qamtylmasa, ásirese qoǵamnyń áleýmettik qalyń jigi úshin praktıkalyq sharalar enbese, kóptegen jaqsy baǵdarlamanyń ózi tek qana nıettený deklaratsııasy retinde qalyp qaıýy yqtımal. Sondyqtan da, turǵyn úı salasynday basty maqsat - baspanaǵa muqtajdardyń sanyn naqty kemitýmen baılanysty bolýy tıis», - dedi ol.
