Turǵyn úı qurylysyna bólinetin qarjynyń kólemi artyp keledi
ASTANA. QazAqparat - 2015 jyly elimizdegi turǵyn úılerdiń qurylysyna 740 mlrd. teńge salynsa, ótken ol qarjynyń kólemi 830 mlrd. teńgeni qurady.
Osylaısha, 2016 jylda Qazaqstannyń turǵyn úı qory 90 myń baspanaǵa artty, dep xabarlaıdy QazAqparat tilshisi.
"Al 2017 jyldyń alǵashqy toqsanynda turǵyn úı qurylysyna 177 mlrd. teńge jumsaldy. Sóıtip, úsh aıdyń ishinde jalpy aýdany 3,1 mln. sharshy metr turǵyn úı nemese 25 myń baspana salyndy. Bul kórsetkish ótken jyldyń osy kezeńimen salystyrǵanda, 25,3 paıyzǵa artyq. Jalpy, bıyl "Nurly jer" baǵdarlamasy aıasynda shamamen 100 myń baspana salynady. Sonyń ishinde 25 myń baspana memlekettiń aqshasyna turǵyzylady", - dedi QR Investıtsııalar jáne damý mınıstrligi Qurylys jáne turǵyn úı - kommýnaldyq sharýashylyq isteri komıtetiniń tóraǵasy Marxabat Jaıymbetov búgin Astanada ótken baspasóz máslıxatynda.
Aıta keteıik , memlekettiń aqshasyna salynatyn baspananyń ishinde áleýmettik jaǵynan az qamtyǵan azamattarǵa arnalǵan páterler de bar. Ol úshin qazynadan 25 mlrd. teńge bólindi. Aǵymdaǵy jylda oblystarda qurylys jumystary bastalýy tıis.
