Turǵyn úı qurylysyna bólinetin qarajat qysqartylady - senator
ASTANA. QazAqparat - Bıýdjettik baǵdarlamalardy ońtaılandyrý barysynda turǵyn úı qurylysyna bólinetin qarajat 5-10 mlrd teńgege deıin qysqartylýy yqtımal. Bul týraly búgin QR Parlamenti Senatynyń depýtaty Ahan Bıjanov málim etti.
"Turǵyn úı máselesi jóninde bizde bıýdjette ózgertýler bolady. Ony ashyq aıtý kerek. Biz bunyń aldyndaǵy bıýdjette josparlaǵan 30 mlrd teńgeni 20-25 mlrd teńgege deıin qysqartamyz ba degen oıymyz bar. Bul áli qaralady", - dedi senator.
Onyń sózine qaraǵanda, memlekettik turǵyn úı qurylysy baǵdarlamasyna qarajat az bólingenimen, jalpy qurylys salasynda ósim bolady dep josparlanǵan.
"Jalpy qurylys salasynda biz jylda 6 mln sharshy metr úı salatynbyz. Bıýdjetten qaralatyn qarajatty halyqaralyq daǵdarysqa baılanysty biz azaıtamyz. Al jalpy qaraǵanda, respýblıka boıynsha qurylys salasynda 2-3 paıyz ósim bolady dep josparlanýda", - dep atap ótti Ahan Bıjanov.
