Turǵyn úı qurylysyna baǵyttalǵan ınvestıtsııalar sońǵy on jylda 10 esege derlik ulǵaıdy
ASTANA. 13 jeltoqsan. QazAqparat - Turǵyn úı qurylysyna baǵyttalǵan ınvestıtsııalar sońǵy on jylda 10 esege derlik ulǵaıdy. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«Turǵyn úı qurylysynyń memlekettik baǵdarlamalaryn iske asyrý turǵyn úı qurylysy qarqynynyń turaqty ósýin qamtamasyz etti. Turǵyn úı qurylysyna baǵyttalǵan ınvestıtsııalar sońǵy on jylda 10 esege derlik ulǵaıdy», - dedi agenttik basshysy.
Onyń atap ótýinshe, jalpy, qurylysta oryndalǵan qurylys jumystary kóleminiń oń serpini baıqalady. Ol 2011 jyly 2 trln. teńgeni qurady. Qurylys jumystarynyń naqty kólem ındeksi 2011 jyly 1991 jylǵy deńgeıge qaraǵanda 17,5 paıyzǵa joǵary, al 2012 jyldyń sońǵy 11 aıynda ol naqty kóriniste taǵy 2,5 paıyzǵa artty.
