Turǵyn úı qurylysyn kepildendirý qory «Báıterek» holdınginiń janynan qurylady
ASTANA. QazAqparat - Turǵyn úı qurylysyn kepildendirý qory «Báıterek» holdınginiń janynan qurylady. Bul týraly holdıngtiń baspasóz qyzmeti habarlady.
Qazaqstan Respýblıkasy Prezıdentiniń 7 sáýirde qol qoıǵan «Turǵyn úı qurylysyna úlestik qatysý týraly» jańa zańdy iske asyrý aıasynda «Báıterek» holdınginiń enshiles uıymy, «Qazaqstannyń ıpotekalyq nesıelerge kepildik berý qory» AQ-nyń negizinde Kepildik berý qory qurylady.
Jarǵylyq mindetterge sáıkes Kepildik berý qory ýákiletti kompanııa turǵyn úı qurylysy boıynsha mindettemelerin oryndamaǵan jaǵdaıda úleskerlerge turǵyn úı qurylysynyń aıaqtalýy boıynsha kepildik beredi.
Kepildik berý qory úlestik qurylys qatysýshylaryna qarjylyq turaqtylyq, tájirıbesiniń bolýy boıynsha biliktilik talaptaryn qoıady jáne ınjınrıngtik kompanııalar arqyly úleskerlerdiń aqshasynyń maqsatty paıdalanýyna baqylaý ornatý mehanızmin engizedi, sondaı-aq táýekel-menedjmentiniń úzdik tájirıbelerin qoldanatyn bolady.
Budan basqa, qor maqsatty baǵyty - kepildik jaǵdaıdy retteýmen baılanysty shyǵyndardy óteý bolatyn kepildik jarnalar arqyly arnaıy qordy qalyptastyrady. Kepildik jaǵdaıy týyndaǵan kezde, Qordyń aıaqtalmaǵan qurylys nysanyn aıaqtaý boıynsha mindettemesi týyndaıdy.
Kepildik jaǵdaılardyń tizimine:
1. turǵyn ǵımaratty paıdalanýǵa berý merzimderin buzý;
2. aqshany maqsatsyz paıdalaný;
3. zańdy kúshine engen sot sheshimimen belgilengen qurylys salýshynyń dármensizdigi kiredi.
Kepildendirilgen turǵyn qurylysty engizý mehanızmi «Nurly jol» ınfraqurylymdyq damytý memlekettik baǵdarlamasynyń 2015-2019 jyldary iske asyrylýyna septigin tıgizedi, dálirek aıtqanda: qurylys salasyndaǵy qaýipterdiń azaıýyn qamtamasyz etedi, turǵyndar úshin turǵyn úıdiń qoljetimdiligin arttyrady, turǵyn qurylys qarqyndarynyń ósýine septigin tıgizedi.
Buǵan deıingi qabyldanǵan zań qoıylǵan mindetterdi oryndamaǵan edi. Onyń negizgi kemshiligi - úleskerlerdiń qarajaty qurylystyń aıaqtalýyna deıin paıdalanyla almaıtyn, bul tıimsiz mehanızm jáne nátıjesinde turǵyn úı qurylysyna úlestik qatysý salasynda 2010 jyldan beri úleskerlerdiń qarajatyn tartýǵa tek 1 lıtsenzııa berilgen. Osyǵan baılanysy úleskerlik jarnalardy kepildendirýdiń jańa mehanızmin engizý qajettiligi týyndady.
