Turǵyn úı qurylysy sharýashylyǵy men qurylys salasy sybaılas jemqorlyqqa barynsha shaldyqqan - M. Qul-Muhammed
Bul týraly búgin Aqordada QR Memlekettik hatshysy Muhtar Qul-Muhammedtiń tóraǵalyǵymen ótken atalmysh komıssııa otyrysy barysynda málim boldy.
«Elbasy aǵymdaǵy jylǵy Joldaýynda eldi jańǵyrtýdyń eń mańyzdy máselesi retinde sybaılas jemqorlyqpen kúres máselesin erekshe atap ótken bolatyn. Endeshe, komıssııanyń aldyndaǵy basty maqsat qaı salada bolmasyn jemqorlyqtyń kez kelgen kórinisimen batyl kúres júrgizý bolyp tabylady. Bul kúrestiń qanshalyqty tıimdi bolýy, bizdiń qoǵamnyń áleýmettik ıgiligine, memleket bedeline jáne onyń ınvestıtsııalyq tartymdylyǵyna da áser etedi», - dedi M. Qul-Muhammed.
Bul rette komıssııa múddeli memlekettik organdarmen birlese otyryp, 2012 jylǵy jaǵdaıǵa arnalǵan sybaılas jemqorlyqpen kúres boıynsha tereń saraptama jasap shyqqan. Sonyń arqasynda birqatar salalarda sybaılas jemqorlyqtyń problemaly máseleleri anyqtalyp otyr. Atap aıtqanda, bular - jer qatynastary, baspana qoljetimdigi, turǵyn úı qurylysy jáne turǵyn úı-qurylys sharýashylyǵy. Budan bólek, agroónerkásip keshenin damytý, tabıǵatty qorǵaý jáne eńbek zańnamasyn saqtaý salalarynda da biraz máseleler barshylyq.
«Memlekettik organdardaǵy kadr saıasaty men «komandalyq aýysý» máselesi de ózekti. Bıznesti qorǵaý men memlekettik qyzmet kórsetý salasynda da olqylyqtar bar. Sondyqtan da, komıssııanyń otyrysyna eki mańyzdy máseleni shyǵaryp otyrmyz. Bul - qurylys pen turǵyn úı-kommýnaldyq sharýashylyǵy salasyndaǵy memlekettik baǵdarlamalardy oryndaý boıynsha bólingen bıýdjettik qarajattardy ıgerýdegi sybaılas jemqorlyq kórinisi. Ekinshiden, jer qatynastaryndaǵy másele. Barshaǵa belgili turǵyn úı qurylysy sharýashylyǵy men qurylys salasy sybaılas jemqorlyqqa barynsha shaldyqqan sala. Al jekelegen sheneýnikter men kommertsııalyq qurylym basshylary úshin osy sala zańsyz baıýdyń aıtarlyqtaı kózi bolyp tabylady. Sondyqtan da, kóptegen damyǵan elder atalǵan salalarda sybaılas jemqorlyqtyń jolyn kesetin nemese ony barynsha tómendetetin tıisti tetikterdi qurýǵa umtylady. Biz de solaı jasaýǵa tıispiz», - dedi M. Qul-Muhammed.
