Turǵyn úı qurylysy sektoryna ınvestıtsııa qajet

ASTANA. 9 qarasha. QazAqparat /Rýslan Ǵabbasov/ - Turǵyn úı qurylysy sektoryna ınvestıtsııa qajet. Bul týraly búgin Astanada ótken «Qazaqstandaǵy qol jetimdi turǵyn úı - qol jetimdi ıpoteka: qalpyna keltirý baǵyttary» taqyrybyndaǵy dóńgelek ústelde QR Qurylys jáne turǵyn úı kommýnaldyq sharýashylyq isteri agenttiginiń tóraǵasy Serik Nokın málim etti.

«QR Statıstıka agenttiginiń málimeti boıynsha, 2010 jyldyń qyrkúıeginde, ıaǵnı ótken jyldyń osy kezeńimen salystyrǵanda turǵyn úıge negizdelgen jyljymaıtyn múlikke baǵanyń ósýi úrdisi baıqalýda»,-dedi agenttik basshysy.

Qazaqstanda bir adamǵa shaqqanda jylyna ortasha eseppen 0,4 sharshy metr turǵyn úı salynady. 2007 jyly qurylys qarqynynyń joǵarylaýy kezinde bul kórsetkish 0,52 sharshy metrdi qurady. «Damyǵan elderde jan basyna shaqqanda jylyna 1 sharshy metr turǵyn úı paıdalanýǵa beriledi. Osy kórsetkishti arttyrý úshin turǵyn úı qurylysy sektoryna ınvestıtsııa qajettilik etedi»,-dep toqtaldy S. Nokın.

Onyń sózine qaraǵanda, 2009 jyly osy salaǵa baǵyttalǵan ınvestıtsııa 270 mlrd. teńgeni qurady. Bul 2007 jyldaǵy kórsetkishke qaraǵanda 40 paıyzǵa tómen.