Turǵyn úı qurylysy salasyndaǵy jańa zań jobasy úleskerlerdiń quqyǵyn qorǵaýǵa baǵyttalady - Q.Óskenbaev

ASTANA. QazAqparat - Búgin Parlament Májilisinde ilespe túzetýlerimen birge «Turǵyn úı qurylysyna úlesker retinde qatysý týraly» zań jobasy tanystyryldy.

Jańa zań jobasyn tanystyrǵan QR Ulttyq ekonomıka vıtse-mınıstri Qaıyrbek Óskenbaev bul zań jobasy eń aldymen úleskerlerdiń quqyǵyn qorǵaýǵa baǵyttalǵan degendi alǵa tartty.

«Bul zań jobasynda qurylys nemese qurylys materıaldaryna ótemaqy tóleý týraly másele aıtylmaǵan, kerisinshe, úleskerlerdiń quqyǵyn qorǵaýǵa kóp nazar aýdarylǵan», - deıdi Q.Óskenbaev.

Onyń aıtýynsha, zań jobasy turǵyn úı qurylys salasyna úsh jańa tetik engizbek. Birinshisi, kepildendirilgen Turǵyn úı qurylys qoryn qurý tetigi, ekinshisi - jobaǵa ekinshi deńgeıli bankterdi tartý, al, úshinshisi - úleskerlerdi turǵyn úıdiń negizgi qańqasy qalanǵannan keıin ǵana úlesker retinde tartý tetigi.