Turǵyn úı qurylysy Memlekettik baǵdarlamasynyń eki sanaty boıynsha qosymsha upaı qosylatyn bolady
ASTANA. Qarashanyń 11-i. QazAqparat /Damır Baımanov/ - Qazaqstan Respýblıkasy Turǵyn úı qurylysynyń 2008-2010 jyldarǵa arnalǵan memlekettik baǵdarlamasynyń qatysýshylaryna «memlekettik qyzmetshi bolyp tabylmaıtyn, memlekettik mekeme qyzmetshisi» jáne «memlekettik kásiporyn jumysshysy» sanaty boıynsha memlekettik organda jáne bıýdjettik mekemelerdegi atqarǵan jumys ótili úshin qosymsha upaı qosylatyn bolady,
dep habarlady Astana ákimdiginiń baspasóz qyzmetinen.
Jergilikti atqarýshy organnyń QR Turǵyn úı qurylysynyń 2008-2010 jyldarǵa arnalǵan Memlekettik baǵdarlamasy aıasynda turǵyzylyp jatqan úılerdi júzege asyrý Erejesiniń upaı berý krıterıılerine ózgerister «Qazaqstan Respýblıkasy Úkimetiniń 2008 jylǵy 19 shildedegi №711 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2009 jylǵy 6 qarashadaǵy №1770 qaýlysyna sáıkes engizilip otyr.
Atalǵan tolyqtyrýlarǵa sáıkes Erejeniń 13 tarmaǵynda Memlekettik baǵdarlama qatysýshylarynyń «memlekettik qyzmetshi bolyp tabylmaıtyn, memlekettik mekeme qyzmetshisi» sanaty boıynsha memlekettik organdaǵy qyzmet ótili boıynsha qosymsha upaı beriledi.
Munan ózge «memlekettik kásiporyn jumysshysy» sanaty boıynsha memlekettik organ, memlekettik bıýdjet esebine kiretin mekemedegi qyzmet ótili boıynsha qosymsha upaı beriledi.
Búgingi tańda Astana qalasynyń Turǵyn úı basqarmasynda kórsetilgen sanattar boıynsha jumys ótili qaıta eseptelýde. Upaılardy qaıta esepteý aıaqtalyp, ony turǵyn úı komıssııasy bekitkennen keıin onyń qorytyndysy Astana qalasy ákimdiginiń saıtynda jarııalanatyn bolady.
