Turǵyn úı qurylysy boıynsha jyldyq jospardyń 45 paıyzy oryndaldy
ASTANA. 9 tamyz. QazAqparat - Bıyl «Qoljetimdi baspana-2020» baǵdarlamasy aıasynda 6,6 mln. sharshy metrden astam turǵyn úı tapsyrý kózdelgen.
Bul týraly búgin Óńirlik damý mınıstrliginiń alqa májilisinde atalǵan vedomstvonyń vıtse-mınıstri Qaıyrbek Óskenbaev málim etti.
Aǵymdaǵy jylǵy 1 shildedegi jaǵdaı boıynsha barlyq qarjy kózderi arqyly baspana qurylysyna 212,7 mlrd. teńge baǵyttaldy. 3 mln. sharshy metr turǵyn úı tapsyryldy. Bul jyldyq jospardyń 45 paıyzy. Onyń ishinde 1,8 mln. sharshy metri nemese 60 paıyzy jeke turǵyn úı qurylysynyń úlesinde.
«Memlekettik menshiktegi kásiporyndar men uıymdardyń esebinen 288,8 myń sharshy metr baspana paıdalanýǵa berildi. Memlekettik sektor respýblıkada jalpy tapsyrylatyn turǵyn úıdiń 10 paıyzyn qamtyp otyr»,-dedi vıtse-mınıstr.
Sonymen qatar ol 1 shildedegi málimetter boıynsha respýblıka aýmaǵynda 3 264 úleskerdiń qatysýymen 16 nysannyń qurylysyn aıaqtaý kózdelip otyr.
